為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 03 月 25 日

中央反科網巨頭壟斷升溫 股民陷「3殺」跌市漩渦

全國人大通過完善香港嘅選舉制度,將設立候選人資格審查委員會,審核參選人資格,「資審委」開始籌備,目前已有多個熱門人選名單,成為城中熱話。有指兩位前特首董建華同梁振英呼聲甚高;前律政司司長梁愛詩、做過立法會主席嘅范徐麗泰、全國人大常委譚耀宗、人稱中共「護法」嘅基本法委員會副主任譚惠珠,以及前終審法院常任法官烈顯倫,亦被看高一線。
香港政府一直以來都有一套審查高級官員嘅制度,就係透過警方同廉政公署,協助對一啲有機會晉升高級職位嘅政府官員做深入背景審查,包括刑事紀錄、財務狀況、社交圈子、以至個人行為等,均有機會被起得一清二楚。有說日後成立嘅「資審委」,亦有可能需要警方同廉署幫手都唔定。

梁愛詩(左起)、梁振英及烈顯倫都是分量十足人馬,獲邀加入「資審委」呼聲高。

 


不過「資審委」是從屬中央,還是從屬特區政府?有資深人大及政協透露,若定性從屬中央,唔排除會搵內地官員加入委員會,「呢個做法有助加強公平性,佢哋無政治包袱,審查起來會更客觀。事關香港政圈中人多少具有廣闊人脈,即使自己唔參選,亦難免其子侄、後輩等會參選,吓吓為此避席都唔係辦法。」
全國人大常委會委員譚耀宗估計,成員可能有十多二十人,委員除咗要熟悉法例及德高望重、有公信力,仲要一定不能參選,否則會出現角色衝突。至於譚Sir本人,計落都好適合加入「資審委」,但佢就好謙咁話「自己唔會主動參與」。而同佢一樣姓譚嘅珠姐譚惠珠,呢排亦被傳媒追問會否加入,珠姐就答得爽快話「假設性問題唔會答」。
建制中人認為「資審委」工作量大,要十幾二十人先夠。但同時亦有政壇高人分析「資審委」成員貴精不貴多,人數唔會多過十人,搵人亦會以基本法起草委員會成員、冇政黨同冇參選意向者優先,退休法官或熟悉基本法嘅人亦係考慮之列。

港澳辦副主任張曉明(左)等官員就有關完善香港選舉制度嘅決定,來港聽取各界人士意見。

 

有建制派人士提出「資審委」成員可由全國人大常委會任命,或由特首提出。