為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 03 月 20 日

直認曾有自殺念頭 張致恒老婆自爆只得$200

雯雯稱囝囝幫她抹淚時令她醒覺,不能放棄。

張致恒早前被指攜妻兒走佬避債,其妻區燕雯(雯雯)連日在社交發長文,但隨後又刪掉,今日她再貼過年時跟大仔的合照,另一張是她與婆婆的合照,發長文向朋友報平安,並自爆身上現金只得$200。雯雯留言:「朋友…唔使擔心 我冇事亦都冇癲到 只係最近發生太多事 面對唔到同有爆煲嘅情況」。雯雯續自爆:「要自己照顧兩個仔同成個屋企 現金只係得$200 所以有啲驚同唔識應對 再加上 有太多我唔知情嘅事情發生 去到我知道嘅時候已經係俾人鬧緊嘅時候 所以開始有啲睇唔開 有自殺嘅念頭 我承認我係有唔成熟同太脆弱」。
雯雯稱在囝囝幫她抹淚、摸她嗲她時令她醒覺不能放棄,要堅強面對才能陪他們到將來,並謂:「我相信只要我哋願意去努力 我哋一定可以好快 報答到同還清所有嘅金錢。」最後雯雯感謝婆婆在她最絕路最徬徨最迷失時作為她的天使。

有網民指雯雯稱只得$200,買罐奶粉都不夠。

雯雯全文:

朋友..
唔使擔心
我冇事亦都冇癲到
只係最近發生太多事
面對唔到同有爆煲嘅情況

要自己照顧兩個仔同成個屋企
現金只係得$200
所以有啲驚同唔識應對
再加上
有太多我唔知情嘅事情發生
去到我知道嘅時候已經係俾人鬧緊嘅時候
所以開始有啲睇唔開
有自殺嘅念頭
我承認我係有唔成熟同太脆弱

但係當我去到我流眼淚嘅時候
個仔會埋嚟摸吓你幫你抹走啲眼淚
當我唔開心嘅時候
佢好似明白咁樣
過嚟拍下你摸吓你嗲下你

嗰一刻我先醒覺
我唔可以放棄
因為我冇權帶走佢哋嘅生命
嗰一刻我同自己講我一定要堅強
要努力面對一切
先可以陪伴到佢哋去佢哋之後嘅人生

我而家唔係要公開同大家講啲乜嘢
我只係想喺呢個平台同真心關心我擔心我嘅朋友講聲我冇事唔使擔心
至於..
要留言甚至去中傷我嘅網民
我已經收到晒你哋嘅說話
你哋唔喜歡亦唔需要繼續去睇我呢個平台
大家為咗一個唔認識嘅人去咁勞氣有咩意思呢
依家香港人人都有困難,
無謂為咗一個你哋唔認識嘅家庭去勞氣。
希望所有人都可以捱過呢個疫情。

我亦會好好組織自己嘅人生
我唔會再唔夠膽抬起頭望人
因為我哋只係爭人錢未還晒
而唔係去逃避要去走數
所以其實我係唔需要抬唔起頭做人
我亦會好好問清楚同組織好
欠我老公朋友嘅錢。

我相信只要我哋願意去努力
我哋一定可以好快
報答到同還清所有嘅金錢。

婆婆:
你係我最好嘅聆聽者同傾訴者
係愛最絕路最徬徨最冇咗最迷惘嘅時候
你係我嘅天使
要你老人家擔心我為我傷心
我好不孝..
我唔知上一世要做幾多嘅好事
先可以有你呢個婆婆
我愛你

雯雯感謝婆婆聽她傾訴。