議席增議辦唔夠 秘書處或遷政總

立法會議席將增加二十席至九十席，作為議會心臟地帶嘅議事廳，大可擴展至容納一百二十名議員，不過講到議員辦公室數目，就絕對唔夠位坐。消息人士話，睇番大樓圖則，係可以加高兩至三層，但加建始終係大工程，加上改動需時，未必趕得切應付明年立法會選舉。折衷方法係將秘書處部分職員搬到政府總部辦工，騰出二、三十間房，咁就馬上解決到唔夠議辦房嘅問題。
立法會綜合大樓共有十層，六至十樓係議辦，各大政黨盤據唔同樓層。民主派議員被DQ及總辭後，部分辦公室雖已空置，但房間整體數量無增多，長遠計都要諗計增加辦公室。但具體改動係點，都係要等立法會主席拍板先得。

民主派議員總辭後，雖然部分議辦已吉出，但仍不夠新增議席後所需。