為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 03 月 17 日

女王馮雯熙 落力振興餐飲業經濟

政府最近放寬返防疫措施,食肆有限度開放晚市堂食同4人一枱,小妹終於唔使拎住飯盒喺街食喇!早排喺搵食期間,竟然俾小妹喺大圍金龍冰室遇見建築女王馮雯熙(Christine Fung)同朋友食飯,即刻走埋去同佢傾幾句。原來Christine都係見食肆放寬返啲防疫措施,於是約埋三五知己食好西,同時諗住幫手振興返香港經濟。Christine話見到好多行業喺疫情下都艱苦經營,有機會當然要出返一分力,而且佢話呢度啲嘢出名好食,老闆娘馮絁棋見到佢仲推介咗好多美食俾佢㖭!Christine聽老闆娘講早排生意難捱,不過好在食物有口碑,Keep住有班熟客經常幫襯,加上外賣生意多咗好多,影響實有,但總算頂得住。講返嘢食,Christine點咗金龍嘅招牌菜歐陸風味鮮茄芝士焗飯,原Pan上夠特別,而且香濃芝士配合新鮮番茄,多多都食得晒!

難得依家食肆可以4人一枱,Christine即刻約埋朋友出嚟幫飲食業振興經濟。

Christine話佢去親大圍都會幫襯金龍。

今次同朋友見面,Christine當然會順便帶埋佢嘅Cristiano Natural Juice出嚟,俾朋友之餘仲推介埋俾金龍老闆娘,因為做食肆健康最重要,而由純天然野生刺梨果提煉出嚟嘅酵素精華液,可以增強人體免疫力,病毒細菌自然冇咁容易埋身。Christine仲同小妹講,依家Cristiano Natural Juice唔單止「香港榮華藥業集團控股旗下藥房」同「優品360」可以買到,連健康網店「健康‧旦」都有得賣喇,唔怪得佢啲朋友改口叫佢做「法研神仙果后」啦!

 

歐陸風味早餐都係Christine去金龍會點嘅心水選擇。

原Pan上嘅金龍招牌菜歐陸風味鮮茄芝士焗飯,唔止賣相吸引,仲十分滋味㖭!