為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 03 月 17 日

囝囝滿月影全家福 原子鏸讚老公好爸爸幫手湊B

Marsha一家三口帶同愛犬影全家福。

滿月快樂!原子鏸(Marsha)上月為摩洛哥籍老公Mehdi El Ajimi誕下混血萌B Matys El Ajimi,正式晉升人母。適逢囝囝滿月,Marsha一家三口帶同愛犬影全家福,期間Matys不時對著鏡頭放電,融化全場女心,就連Marsha也被囝囝冧爆:「雖然瞓得唔係幾好,但每一次望到佢,我就覺得一切都好值得,因為佢真係好得意。」

初為人母一個月,「新手媽媽」Marsha自言不覺辛苦,並透露現時哺餵母乳:「對我嚟講係一份好美麗嘅回憶,因為可以同BB更加親密,呢種感覺真係難以言喻,只有做人媽媽,先會有呢份體驗,不過BB依家成日肚餓,所以都有啲難湊。」為了讓Marsha適時休息,老公主動舉手輪更,令她好不感動:「佢幫咗我好多,大概每晚9點到凌晨2點就會輪更,幫手餵奶、換片、抱住BB佢瞓覺,佢真係一個好好嘅爸爸。」

Marsha餵人奶較困身難湊,幸得老公主動輪更湊B。

鄭佩佩雖然身在美國未能回港探孫,但也會通過視像通話,隔空「抱孫」、為女兒打氣;問到媽咪有否傳授育兒秘笈?Marsha笑言:「媽咪冇乜教我,因為佢已經唔記得晒!」
疫症肆虐,Marsha仍未決定會否為兒子搞百日宴,她寄望疫情早日結束,屆時一家人到老公家鄉摩洛哥大事慶祝:「呢個係佢哋嘅習俗,新生BB第一次返摩洛哥,會舉行一個盛大嘅慶祝活動,類似香港嘅百日宴。」

Marsha話囝囝真係好得意。

Marsha每次望到囝囝就不覺倦。

Matys咁細就識得對著鏡頭放電。

Matys滿月快樂!