為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2021 年 03 月 05 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

扭得好變得鬼馬

牛年爆爆爆!
爆好運!爆開心!爆發財!
任賢齊同梁漢文今年齊齊留港過年,早前相約拍攝賀歲搞笑短片,二人邊變魔術又學扭氣球,非常搞笑。
扭氣球這東西不是人人有膽量,梁漢文笑說:「我對球類運動好有興趣,經常踢波打網球,但對住氣球就有啲驚,未開始扭已經心跳加速!」
旁邊的小齊笑謂:「驚爆波?哈哈!我哋做藝人就係爆、爆紅、開演唱會爆滿,爆係好事!哈哈!」

任賢齊同梁漢文早前相約拍攝賀歲搞笑短片,魔術師鴨仔哥哥變魔術變得出神入化,扭氣球三兩下手勢,就扭出大型獅頭、龍頭、大吉、桃花及牛牛。

 


那天,特別邀請了鴨仔哥哥,教他們變魔術扭氣球,鴨仔哥哥變魔術變得出神入化,扭氣球三兩下手勢,就扭出大型獅頭、龍頭、大吉、桃花及牛牛,不得不讚賞這位抱着夢想的年輕人對生命的熱誠。
鴨仔哥哥風趣幽默,我問他為何叫鴨仔哥哥,他笑說:「起初因為英文名Duckson,所以直譯鴨仔,方便小朋友記住,點知有一日有人叫我做叔叔,咪即刻加咗哥哥上去!」
原來,玩魔術他是無心插柳而為之。他說中學年代,一位師弟愛上魔術,他就負責在旁拆穿對方,後來發現玩魔術可以追女仔,才開始認真學習。
他說:「當時馮德倫出咗一隻教人玩魔術嘅影碟《最好世界變》,我買咗返屋企睇咗幾十次,愛上咗魔術,仲經常去做義工表演。」
扭氣球呢?他笑說:「接觸氣球係因為生日party關係,客人要求先至膽粗粗扭埋,怕爆所以我好抗拒,初初只係扭劍、狗、老鼠;後來見台灣、日本啲氣球真係去到藝術級先被激發興趣,到咗????家,一日唔扭都會唔舒服!」
聽說他被客人大讚「有耐性,有愛心,懂得搞笑搞氣氛之餘,為人又非常隨和,大人細路都好滿意。」他回應說不敢當,客人開派對為求歡樂,大家開心就好。
玩魔術由不相信到相信。
扭氣球由抗拒直至愛上。
鴨仔哥哥的經歷說明了,不要規限自己,隨遇而安,順應變化,就可以扭出精彩繽紛人生。