為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 02 月 27 日

晚晚睇戲砌模型添情趣 朱茵呻婚後俾黃貫中狂窒

Paul和朱茵日前合體挑戰「愛情五秒定律」。

適逢元宵佳節(26日),相愛超過廿載的黃貫中(Paul)和朱茵,日前合體挑戰「愛情五秒定律」,當問到被老婆激嬲的3個原因時,Paul即「機關槍式」搞笑道:「天氣凍着唔夠衫、肚餓又唔食嘢、亂放雜物、唔願起身、遲到⋯⋯咦,原來可以講到咁多。」語畢朱茵笑稱要罰對方頂痰罐,場面爆笑!隨後,問到太太身上3個最大的地方?朱茵一向以身材豐滿見稱,惟Paul沒有講出對方的「D Cup上圍」,反而說是「眼大、嘴大和志氣大」,o氹得愛妻全程笑不攏嘴。

朱茵投訴Paul婚後出街只拖囡囡,又會狂窒她。

至於老公婚前婚後的不同之處,朱茵便趁機投訴:「以前出街一定會拖實我,而家就會拖阿囡(黄鶯);仲有以前唔會窒我,婚後就係咁窒。」不過,講到Paul具備的3個好老公條件,她甜絲絲地表示:「大力、任我差遣,而且會煮飯畀我食。」Paul聞言反擊:「講緊好老公條件,唔係揀工人喎!」最終朱茵於賽事中落敗,並向Paul獻上香吻作為元宵禮物,認真Sweet爆!

Paul「機關槍式」大爆被朱茵激嬲的原因。

賽事中落敗的朱茵即場向Paul獻上香吻作元宵禮物,So Sweet!

黃氏夫婦於人前人後都非常恩愛,Paul不諱言經常有人向他取經,也坦言一齊「唔悶就呃你」,故需學習如何避免這種悶,他教路:「最重要唔好有一個奉旨嘅心態,例如太太為你煮飯,你要識得欣賞,要覺得每一餐飯都係第一次,將呢個心態套用喺所有事情上,就唔會覺得悶,反而好新鮮。」朱茵也建議一眾有情人為生活加添情趣,有助增進感情:「尤其而家喺屋企嘅時間多咗,可以嘗試多啲唔同嘅嘢,最近我哋會等囡囡瞓覺後,一齊砌3D模型,都幾好玩,同埋我哋晚晚都會睇戲。」


雖然因育兒理念不同偶爾爭執,但夫婦倆都會主動認錯,「愛妻號」Paul更自有一套「爭吵哲學」,他說:「吵架輸咗,固然係輸;贏咗你都有排捱!既然輸贏都係處於輸家嘅狀態,奉勸各位男士最好就唔好同另一半嘈,係咪都認錯先。」

適逢元宵佳節,黃氏夫婦拍片大玩遊戲。