左中右派贊勤力 林嘉泰獲薦葬浩園

月初喺灣仔辦公室暈倒，送院後疑腦中風不治嘅社會福利署副處長林嘉泰，會喺本周六（二月二十七日）設靈，翌日出殯安葬浩園。自林嘉泰離世後，唔少建制派已向政府建議讓林葬喺浩園，但係社署一直冇乜反應，直至睇到有超過二百名社署職員、社福界代表及政壇左中右各派人士，紛紛前往簽名悼念，政府先有所決定。
有社福界人士話，林嘉泰向來勤力工作，表現出色，亦與各派係人士有溝通，估唔到佢上司梁松泰署長，喺佢出事後只簡單發表一句「對林嘉泰離世深感悲痛」，引來唔少社福界中人竊竊私語，認為林嘉泰有功也有勞，卻只換得一句官腔哀悼，聽聞除咗林嘉泰捱到中風不治，另一副署長亦曾身患重病。

喺社福界廣結人緣嘅林嘉泰獲安葬浩園。