為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 02 月 27 日

手民之誤震驚官場 梁家榮袋定辭職信

廣播處長梁家榮早前決定提前半年解約,部門首長離職,政府連發句感謝嘅門面工夫都慳番,惹來外界揣測梁家榮係「被解約」。做咗五年半處長嘅梁,過去多次畀建制派鬧爆管治無能,盛傳佢早已袋定辭職信,預咗隨時劈炮唔撈。
有熟悉中央想法嘅資深人大及政協推測,今次解約事件,好可能跟港台一月尾發生「手民之誤」,誤將一則「習近平稱推動多邊主義,搞新冷戰和制裁只能把世界分裂」嘅報道,寫為「習近平稱要推動多邊主義,搞新冷戰和制裁把世界分裂」有關。雖然港台事後急急更正並致歉,但內地官場已為之震驚。
做過港台顧問委員會主席四年嘅陳建強就話,講得「提早解約」梗係有「特別原因」,當中離不開同「人事問題」、「制度改變」或「時勢變化」有關,「『榮總』餘下任期不足半年,港台管治檢討報告又出台,有大把嘢要改革要做,呢個時勢本應要有舵手坐鎮才對,但政府正正喺呢個時候選擇繼續用《港台約章》同《節目製作人員守則》,好明顯係制度冇問題,問題出喺當事人身上,且情況已到咗忍無可忍地步。」陳建強坦言,港台顧委會同社會公眾過去曾多次提意見,但有人仍然執迷不悟。

梁家榮提出解約前早已經常袋定辭職信,似乎早萌去意。

 

陳建強直言曾多次向港台提供意見,但有人仍然執迷不悟。