活力無BEAN

踏入牛年興奮又開心！
歡迎ANSONBEAN加入寰亞大家庭的Cool Style，成為古天樂、Kim及Angelababy新公司旗下第一位藝人。
《全場造星3》時，已對這個小可愛一見鍾情，心心眼親切笑容深得一眾姐姐及少女歡心。
他加盟後密鑼緊鼓投入工作，跟他見過幾次面，發現他企不定坐不穩，在公司跑跑跳跳打功夫跳舞，一秒也停不下來，簡直人見人愛！
猜不到牛年情人節有他陪伴着我，趕快給他利是祝福他一帆風順！大紅大紫！

牛年情人節有ANSONBEAN陪伴着我，趕快給他利是祝福他一帆風順！大紅大紫！

對於能夠成為寰亞傳媒集團、天下一集團合組的Cool Style旗下第一位藝人，ANSONBEAN感覺自己十分幸運，他說：「能夠目擊Cool Style呢間公司誕生，兼且可以成為公司嘅第一個藝人，感覺十分榮幸及特別。自己一直都好喜歡老闆古天樂同埋睇佢嘅戲，STYLE International Management又係一間好國際化嘅公司，全部加埋一齊，感覺好刺激。」
為了不負公司期望，ANSONBEAN 直言會加倍努力：「我呢家保持住一個星期都會做幾首歌嘅 demo，先做一個庫存，然後定期再俾啲大家聽，雖然未知公司會唔會揀到嚟用，但我覺得咁樣會進步得快啲。演戲上嘅練習，我都會去嘗試，雖然之前有試過演戲，但我自覺仍然未掌握到嗰個技巧，仍然未係一個演員，所以會更加努力。」說罷立即坐言起行，練習一下拳擊踢腿，似乎有意向動作電影方面發展，哈哈！
最後他更對自己作出承諾：「我會搵到一個平衡點，喺各方面都會努力，去練習我唔同嘅技能及工作，我知道我前面仲有好多成長及進步空間，所以我會每個星期定時去反省，然後再定新嘅指標，去催谷自己。更加要多謝粉絲嘅支持，你哋由一開始就支持我，我有時就算練習到全身冇力，但一想到你哋對我嘅期望，就會即刻起身再努力過，所以你哋嘅支持真係好重要。」
小伙子對娛樂圈充滿好奇，希望他實踐承諾，打好基礎繼續努力邁步向前！
人生最重要是，緊抱對未知的希冀與盼望！