盆菜貨不對辦 黃店疑無食牌

限聚令下賀年盆菜成為逆市奇葩。不過黃店「初見」所售賣嘅盆菜，就遭網民批評嚴重貨不對辦，說好的鵝掌、花膠唔見咗，亦有人不滿花成千蚊食魚蛋兼加有酸味，紛紛上網洗版畀負評，要求退錢。「初見」發現勢色不對，馬上同供應商兼負責送貨嘅「幫緊你美食速遞」割席，只聲稱會代客戶追退款。
不過風波未有因此平息，有網民發現盆菜供應商嘅專頁喺兩個幾月前先開設，質疑對方是否有食物製造牌照；亦有網友踢爆「初見」早前售賣嘅年糕同樣貨不對辦，懷疑今次搞賣盆菜嘅係同一班人。其實黃店出售問題食品已經唔係第一次，之前已爆出佢哋疑用無牌工場製作端午糭、月餅同蛋卷，但食環署一直未見積極跟進，唔通真係要等到食壞人出咗事先做嘢？

「初見」售賣嘅盆菜有酸味加分量少得可憐，畀網民圍插搵笨。