為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 02 月 18 日

區議員宣誓要過幾關 借場搞初選或被DQ

繼大搜捕泛民後,政府將會再出招,準備喺農曆年後向立法會提交草案,引入區議員宣誓制度,目標對準一班勇武派區議員。消息人士透露,政府擬審視區議員嘅言行,若被發現擬構成威脅國家安全,或不夠「愛國」的,將有可能影響其議席。
據了解,今次監誓過程無須勞動高官出手,預料會由政府委任來自民政事務局嘅主要官員為區議員監誓,以及決定宣誓是否有效。外界解讀「唔愛國」嘅區議員將有可能被DQ。至於點樣判斷「唔愛國」?有政壇中人指出,區議員宣讀誓辭時嘅表現,係審視嘅一部分,另外仲要睇埋佢哋有冇參與違反宣誓內容嘅相關行為。
消息人士透露,曾借用議辦給民主派「35+」作初選場地,以及喺《港區國安法》實施後仍繼續宣揚「港獨」,或者印製有鼓吹「港獨」意識或違反《基本法》嘅印刷品等,都可能成為被DQ嘅理由。

部分議辦早前曾借予民主派舉行「35+」初選投票。

 

為區議員監誓嘅重任,政府將會交畀來自民政事務局嘅主要官員做。

 


此外,政府亦會仔細審視有關區議員嘅申報開支,了解佢哋有冇聘用「港獨人士」,或與相關團體合作。唔少區議員搞地區活動時都會搵義工幫手再畀番津貼。以往申報時可能只需遞交參與總人數就得,但現時政府可能會查得緊啲,或會要求申報埋義工個人資料,以防有港獨分子透過做義工攞公帑津貼,令政府變相資助港獨。
至於最終會否因此出現大規模區議員被DQ,知情人士話,政府會設立機制,讓區議員喺被DQ前,可以就指控作出辯解。言下之意,即係畀個機會你上訴。
DQ潮一觸即發,泛民心知部分地區議席岌岌可危,隨時斷埋僅有嘅收入來源,所以心急部署參選下屆立法會選舉。其中民主黨對九月舉辦嘅立法會選舉十分緊張,據聞有十五、六名黨員有意出選,近日已開始喺黨內部報名。雖然立選話就話延後至九月五日,不過建制派就唔係咁睇。
有了解中央想法嘅資深人大及政協話,由於疫情仍然未受控,加上黑暴未除,好大機會立會選舉會再延後一年。有政黨中人分析,以往在選舉年,建制派幾大政黨喺年頭已經舉行內部遴選,十分大陣仗,但今年則完全無風聲,睇嚟延後立選嘅說法,甚囂塵上。

有區議員早前曾借出議辦予激進學生組織「賢學思政」開記召,被指可能觸犯《港區國安法》。