為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 02 月 18 日

囝囝片場探班勾童年回億 洪天明爆細仔鍾意做公主

老婆帶兩子到片場探班,洪天明自言小時候也是這樣在片場陪爹哋。

洪天明在電影《拆彈專家2》與內地女星倪妮飾演反恐部隊,在拍攝一場跟恐怖組織對戰的場面,鏡頭前氣氛緊張,鏡頭後溫情洋溢,皆因天明太太周家蔚,帶同囝囝洪大仁(TJ)、洪竟琋(JT)到場探班,天明跟兩子見面,立即愛的抱抱,又攬又錫。

為爭取與囝囝天倫共聚,未埋位的洪天明不惜放棄休息時間,在片場跟TJ、JT大玩捉迷藏,TJ更對天明身上的裝備充滿好奇;對於囝囝探班,天明自言勾起不少童年回憶:「我以前細個就係咁樣喺片場陪爹哋(洪金寶),跟武師跳下彈床、玩吓玩吓就過一日,主要畀老竇見吓我!就好似TJ、JT咁,其實佢哋嚟探班,我都驚佢哋悶,但事實上佢哋覺得好好玩,見到所有道具都摸下,我又好開心見到佢哋,感覺好sweet。」

洪天明指大仔喜歡做超級英雄,細仔愛玩女仔玩具。

提到TJ對他身上的反恐裝備甚感興趣,天明表示:「哥哥(TJ)好鍾意玩槍、做Super hero,細佬(JT)就鍾意玩女仔玩具:洋娃娃,又鍾意粉紅色、又鍾意做公主同着公主衫。」問到天明將來會否希望兒子繼承衣鉢做演員?他即謂:「我會同我爹哋一樣,唔希望自己小朋友入行,因為娛樂圈發展唔容易成功,唔係你話幾勤力就會成功。其實作為家長,我覺得最重要係品格,將來大個佢哋成功與否、做咩行業,靠佢哋自己,但基本上人品要好。」

天明今次在戲中跟倪妮有不少對手戲,他大讚對方是個非常開朗的女演員,而且容易溝通:「佢樣樣嘢都會親力親為,有啲鏡頭導演冇要求佢親自上陣,佢都會自己去做,覺得佢好有Heart。」

天明讚倪妮很開朗。

天明覺得倪妮好有Heart。