為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 02 月 16 日

老公送電單車做情人節禮物 謝安琪曲線公審張繼聰

謝安琪指張繼聰送咗電單車畀佢做情人節禮物,但佢強調自己係冇電單車牌嘅。

謝安琪(Kay)與張繼聰一向是圈中的模範夫妻,結婚14年日日初戀咁Sweet,更不時在網上互動耍花槍,你寸我一句,我又窒返你,溫馨又搞笑。前日情人節,Kay在IG公告收到老公送嘅情人節禮物,就係一部電單車,不過重點係張太並冇電單車牌,仲要送禮後,張生即刻搶用「禮物」出街耀武揚威,難怪張太要寫文「多謝」老公。

Kay在IG寫咗一篇關於「禮物的意義」的文章,透露阿聰送了一部中古棍波電單車給她作禮物,但她未有電單車牌,又笑指如果去考電單車牌,亦都只會考自動波,暗示老公的禮物對佢完全冇用。Kay搞笑表示收到禮物後好驚喜,又指這份禮物啟發了她,成為她的人生轉捩點,Kay幽默表示:「佢送呢架我自己揸唔到嘅電單車畀我,一定係代表咗佢想鼓勵我跳出自己嘅既定框架,寓意只要我夠膽嘗試,就可以飛身躍起,騎上電單車開展一段嶄新嘅人生旅程,睇到更多不一樣嘅風光,一定係咁。」

呢架白色中古棍波電單車真係幾靚嘅。

賴慰玲笑指:「你先生愛得你好有Layer。」 

之後Kay又暗寸阿聰唔理老婆,「自己揸走部車周圍兜風」,最後她又指:「所以話一份好嘅禮物,你係可以有好多層次去欣賞,即使伴侶送一架你用唔着嘅電單車畀你,然後佢仲自己揸返,你分分鐘得着仲多。」句句有骨,字裡行間都感受到Kay的不滿。好友賴慰玲留言笑指:「你先生愛得你好有Layer。」Kay亦幽默回覆:「同佢嘅演技一樣,都好講層次。」

前日情人節與阿聰一同去揸電單車兜風的張振朗亦留言表示:「我終於知道以後送禮物應該係咩方向。」之後Kay亦有幫老公澄清:「同揸電單車一樣『帶返個頭盔先』佢其實仲有送花同埋其他禮物嘅。」

張振朗亦有留言參與。

張繼聰於情人節同張振朗揸電單車兜風。

情人節車友仲有小方。

謝安琪寫咗篇文關於「禮物的意義」。

謝安琪表示收到電單車好驚喜。

謝安琪嘅千字文非常有骨,相當好笑。