為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 02 月 10 日

名媛馮雯熙 貴州口罩大解放

已經成年冇去過旅行嘅小記,最近喺Facebook見到有建築女王之稱嘅名媛馮雯熙(Christine Fung)Post咗張成都旅行相,心諗Christine就好啦,就即時Inbox佢問下近況。原來佢今次係寓工作於娛樂,因為佢創立嘅自家品牌Cristiano Natural Juice純天然野生刺梨果酵素精華液喺疫情下銷量十分好,市面根本唔夠貨賣,於是佢計劃喺貴州開多一條生產線,種植刺梨同製作果酵素精華液。

因為疫情大家都困喺香港好耐,見到Christine呢張旅行相真係令人又羡慕又妒忌。

一向凡事親力親為嘅佢當然要上去睇下環境,佢話貴州氣候同土壤出產嘅刺梨出名優質,連鍾南山都大讚過,所以希望可以快啲投產供應更多Cristiano Natural Juice,等更多有需要嘅人可以飲到。

雖然已經一段時間冇行Catwalk,但係Christine話自己都仲係好記得點樣行得有台型o架!

講開今次北上,Christine話令佢印象最深刻嘅,係去貴州前先喺深圳隔離,因為冇得出街唯有喺酒店房自己搵娛樂解悶,做過Catwalk女王嘅佢,就同Partner大玩行Catwalk,佢話估唔到自己隔咗咁耐冇行,竟然仲行得似模似樣,忍唔住都要俾返個Like自己㖭。今次貴州行另一樣令Christine覺得好正嘅,就係可以口罩大解放,唔使再好似喺香港咁日日出街都要戴住口罩,可以盡情呼吸新鮮空氣,真係人都寧舍醒神!

喺香港每日出街都要戴口罩,Christine話都好耐冇試過咁自由呼吸新鮮空氣喇!

Christine叫小記提提大家,Cristiano Natural Juice已經喺優品360有得賣,以後想買方便好多啦!