我請你食蕉

這年代，甚麼才叫型？
是不是將「門」字部首的粗口，動詞名詞助語詞交替運用，琅琅上口，連珠炮發，便叫型爆嗎？
又或是高深一點點，改以英文字母取代市井的粗口，以DLLM、DLCF、DKLM、CLS、DLS、JM9等等的英文拼音縮寫，去宣洩情緒，即使是粗口爛舌，人也好像帶點浸過鹹水的西洋味道。
不過30歲的男子組合ERROR成員吳保錡，性格率直，懶理被踢爆偷食的風流帳，「潛水」一輪後，上星期聯同性感新歡張沛樂（沙律）現身社交平台，同網友直播活動時，竟公開爆粗鬧爆網友，其連串粗口的流利程度，直逼博士級數。
憑參加《全民造星》入行，出道兩年來，保錡一直被網友指他貌似八両金的兒子，戲稱他為「少年八両金」，令他火都嚟埋。

 

 

 

 

 

 

當網友趁保錡直播時，再重提舊事，他火速以連串粗口反擊：「X你老X，知唔知八両金乜X嘢樣？你就同八両金一樣啊，有眼耳口鼻呀，X頭！」
與其X來X去，我索性致電身在內地的八両金，問他可會覺得保錡貌似自己的兒子，他研究過保錡的靚仔照後，斬釘截鐵說：「佢似我個仔？完全唔似囉！我個仔靚仔過佢好多喎！反而話佢似我呢，就真係有幾分似嘅！」
八両金語重心長表示：「其實一個人嘅樣貌，似唔似我又點吖！最重要係要似我有一顆善良嘅心地！」
提及保錡的風流韻事，足足大保錡三十六年的八両金可會有心得分享？「無論佢點樣溝女，我都會恭喜佢！」
人在異鄉謀生多年，想落葉歸根，自己也組織一個新家庭嗎？
「我都60幾歲人啦，唔會俾到咩幸福人哋，如果有女仔埋身，我都會同佢講，做女仔一定要搵到自己嘅目標同幸福，我唔啱佢。」
不說不知，八両金近年潛心修行，皈依佛道，努力追尋人生的另一境界。「我每日都會唸經至少兩個鐘，用餐前一定唸佛偈迴向俾眾生，我已經堅持咗至少十年以上，只係冇人知道！我對現世其實已經慢慢看破，只係仲要搵食，先至未能好好放下紅塵。」
如此嚴肅正經的八両金，教我肅然起敬，腦海裏不期然迴盪着他的飲歌：「放膽就大聲笑，我請你老母食香蕉。」不過保錡不食香蕉，日夜只掛住食「沙律」。