港姐李美慧(Vivi)在一八年與富商曾文豪（Peter)結婚，同年十月誕下女兒Penelope（小糖心），以往每年十二月，她都會隨丈夫飛到法國自家的莊園度假，並留在當地及意大利滑雪，玩足四個月才返香港。
今年因疫情，他們一家要留港度過農曆年，但她卻未有失望，反而興奮地帶着女兒一同買新旗袍過年，慶祝女兒旗開得勝，成功考入心儀的幼稚園。
她又準備好全盒和利是，將住處佈置得喜氣洋洋，「我最鍾意農曆新年，之前喺法國滑雪無乜過年氣氛，派完利是就算，今年會帶個女去拜年，教佢過年習俗，仲會請舞龍舞獅返屋企，俾佢感受吓氣氛！????家疫情都無心情諗會唔會生多個，過咗疫情就萬事有商量。」她笑意盈盈吃一口蓮子說。

李美慧希望疫情盡快過去，不用每日都戴口罩，「以前每月都會飛，????家發掘下香港嘅活動，好似去行山、camping，多啲去呼吸新鮮空氣。」

她與曾文豪結婚兩年多，二人非常恩愛，有影皆雙。

連掃三件新旗袍

訪問當日，李美慧與女兒率先穿上旗袍，只有兩歲多的Penelope，眼仔碌碌望着鏡頭，猶如洋娃娃般精緻。原來李美慧為了迎接農曆年，特地買了三件Yi-ming的中西合璧旗袍，還買了小旗袍給女兒，母女齊齊扮靚過牛年，「旗袍平時着唔到，個女着起好似公仔咁得意，我仲會幫佢預備個利是袋，大大個裝多啲利是。Peter有好多唐裝，全家都會一齊着中式賀年衫，到時玩撞色，新年習慣會影吓全家福。」
李美慧透露今年過年心情份外輕鬆，因為女兒剛考獲心儀的幼稚園，能夠心無旁騖地過年，她笑說：「我同老公都非常開心，新年可以盡情玩，囡囡識得講恭喜發財，又識唱歌、跳舞、朗誦唐詩，過年可以喺親友面前表演吓。」

Penelope在去年十月的兩歲生日會，以森林為主題，李美慧請來奇珍異獸回家，教育小朋友愛護小動物。