為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 02 月 03 日

【8個月冇見】洪天明瞞住囝囝返屋企 大仔TJ難以置信爆喊攬住老竇

[e56527ec9b1a6d698ba29175baac5992]

好溫馨嘅畫面。

因為疫情影響出入境要隔離,所以好多離港工作嘅藝人都好耐冇返香港,例如洪天明,已經有8個月冇返屋企。不過下周就過年嘞,係時候要返香港。

為咗畀兩個囝囝一個大驚喜,洪天明趁老婆周家蔚帶兩個仔去街後先返歸,安頓好再等囝囝。「八個月不見了,終於能回家啦。孩子在不知道的情況下會有什麼反應⋯⋯希望大家能多陪家人。疫情快點離去。」

大仔見到爸爸好愕然。

洪太抱住5歲細仔JT(洪竟琋)先入屋,8歲大仔TJ(洪大仁)隨後,佢一見到洪天明都嚇親,呆咗數秒先識畀反應叫Daddy,天明張開雙手打算迎接囝囝,但TJ只識問「真係嘅?」天明邊除口罩邊答,「當然係真。」然後TJ即衝前攬實爸爸爆喊,洪太再抱細仔行近,JT再趨前攬實爸爸,三父子攬埋一齊,周家蔚被眼前景象感染都扁晒嘴有啲想喊。

望咗一陣先識叫爸爸。

大仔TJ問爸爸係咪真?

洪天明除咗口罩答當然係真。

緊緊攬實。

然後開始喊。

洪天明係咁安慰囝囝唔好喊。

細仔都要抱。

三父子攬到實。

洪天明一家四口。

洪天明的8歲大仔TJ(洪大仁)及5歲細仔JT(洪竟琋),兩個都好靚仔。