揀大狀諸多挑剔 胡志偉怨黨友無探監
胡志偉涉「35+」初選案被國安處拘捕後，揭發佢之前另一單案申請保釋時，隱瞞持有BNO護照，即被拒絕保釋，還押監獄候審。話說佢入冊後，由於屬未定罪在囚人士，每日都有探監時間，可以見下人，但消息指來來去去都係佢家人或者律師去探監，胡志偉有啲埋怨黨友個個失晒蹤，無人去探望佢，問候吓關心吓。
雖然黨友唔見影，但胡志偉其實都好忙，因為佢要不斷揀律師同大狀幫佢打官司。據泛民八卦友透露，胡志偉揀人時諸多挑剔，一時嫌人資歷唔夠深，搵到個夠資歷既，佢又嫌人「唔夠黃」。
八卦友就話，唔少好黃嘅大狀自己都有案在身，唔能夠接佢單案，有些就怕被人標籤，唔多願意接，只有小數以中立自居嘅大狀肯幫拒，如果佢仲係嫌三嫌四，隨時冇人睬，要自己自辯o架喇。
講番轉頭，八卦友話胡志偉被收押都係佢自己攞嚟，佢本BNO其實係續證無幾耐，疫情爆發前仲去過一轉泰國，點會話唔記得吖？有人話佢可能有計劃潛逃，所以專登唔交出嚟。之但係，以佢嘅知名度，真係諗住可以揸住本BNO登機離境嗎？呢個說法似乎太睇小香港執法部門。
收監後胡志偉埋怨黨友失晒蹤，無人去探監慰問吓佢。
胡志偉因被揭發隱瞞持有BNO護照，遭法庭取消其保釋，要即時還押候審。
