為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 02 月 01 日

遭舊愛S先生追討80萬兼狂數 謝芷蕙甜晒咀嘴照獲新歡力撐

Cammi遭舊愛S先生追討80萬兼狂數,新歡William即出言力撐女友。

o靚模出身的25歲謝芷蕙(Cammi)雖然零工作,但經常於社交網晒名牌、Fine Dining、坐私人飛機去旅行等照片炫富,近年她之所以由屋邨妹升呢上等人,相信全因身邊男伴愈換愈富貴!惟昨日有報道指,Cammi遭自稱台灣舊愛「S先生」追討80萬元,並向傳媒爆料稱於2019年2月跟Cammi開始拍拖,二人於夜總會相識,同年3月為對方豪擲50萬於5星級酒店搞生日P,更聲稱對方的整容、隆胸錢也是他找數!S先生又指Cammi扮單身,拍拖時仍跟不少男生聯絡,更試過約一名廣州男去澳洲玩,他認為對方太過份,不希望再有男人受騙,故決定公開Cammi的作為,討回公道!

Cammi於IG晒與新歡William咀嘴的合照放閃。

對此,Cammi受訪時堅稱從沒向任何人借錢,又澄清S先生是經朋友介紹認識,男方由2019年3月開始展開追求,但她一直對S先生冇好感,後來對方更「奪命追魂Call」、跟蹤兼恐嚇她,有次好友還遭S先生當眾淋尿,最終報警處理。Cammi又否認於夜總會任職,至於被S先生公開親密照力證二人關係,她解釋印象中試過跟女友人上對方屋企飲到好醉,自己完全唔記得影過這輯相,並謂現時已覓得新男友陳先生(William)。事後,Cammi即於IG貼出跟William在迪士尼咀嘴合照,並留言:「相識6年,相戀6個月。」

Cammi於2019年在酒店開生日P。

2019年的生日P,Cammi有閨密陪她度過。 

至於William亦於Po下撰長文力撐女友,他寫道:「無論是誰抹黑你都不會影響我們的關係,更何況是這種不敢露面的小人。吃不到葡萄說葡萄酸就是這樣。我之前已經聽過身邊朋友說這個台灣人好變態,之前因為得不到一個女的還去跟蹤人然後淋人地(哋)尿和屎,仲有偷拍別人這種怪癖。講真啦,依(而)家呢個社會,出黎(嚟)溝女唔係用錢就係用心,或者你係個靚仔。呢條台灣傻仔3無仲學人出黎(嚟)溝女,玩唔起就唔好出黎(嚟)玩啦。現在醫美科技發達,有邊個女仔唔貪靚想keep好d(啲)?打個針,填充下,好大件事咩?我和你識左(咗)咁耐,你的事我了解得7788,出面d(啲)新聞寫d(啲)乜,係真係假我都知,妳身邊d(啲)人都知,愛妳既(嘅)人都了解妳。」

由屋邨妹升呢上等人的Cammi不時於社交網晒富貴生活。

Cammi經常於社交網派福利晒身材。

Cammi有一對招牌白滑長腿。

當年有「女版Nel Nel(張學潤)」之稱的Cammi真係女大十八變。

Cammi仲愈變愈有Angelababy feel。