有汗出無糧出 612基金唔找律師費

支援反修例風暴被捕人士嘅「612人道支援基金」最近公布可用結餘跌到得番約一百八十一萬元，但就死撐話佢係佢哋怕基金會畀凍結，唔想積存太多錢，希望支持者以月供方式捐錢，佢哋就月月盡用啲錢咁話。
不過，有曾協助該基金案嘅律師同大律師近日向本刊反映，指自去年八月至今，為612基金做有償的法律支援服務，一共做咗百多小時，但至今一毫子都未收到。據知被走數嘅大狀有幾位，每人平均被拖欠十多萬元，「基金成立至今有成一點八億捐款，點解連幾十萬律師費都拖？」就疑似拖欠律師費一事，本刊曾向612基金查詢，發言人未有正面回應係咪拖數，只叫申請法律支援款項人士向秘書處查詢支付進度。

有律師為612基金提供法律支援服務後卻被走數，事件耐人尋味。