為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 01 月 30 日

管理層欠新思維 劉鳴煒擬大刀闊斧

財困嘅海洋公園,最近再獲政府答應注資多十六點七億元。不過呢筆錢,要等立法會財委會通過先至作實。為咗游說議員支持撥款,海洋公園主席劉鳴煒近排頻頻約見一眾建制派議員。有議員趁機反映對海洋公園現有管理層嘅表現唔多滿意,講明如果換湯不換藥,點都唔會盲撐。
公園嘅管理層過去多番被外界批評欠缺新思維,只識「攤大手板」問政府攞錢,試問劉鳴煒看在眼內,又點會唔知。有消息就話當佢聽完議員嘅批評後,都大表認同,話明嚟緊將會大刀闊斧改革,中高層聽到個心都有唔少震一震,擔心收「大信封」。
雖然消息傳有意將「瘦身」,不過講到基層員工嘅去留問題,劉鳴煒就十分關注,強調要盡力安排佢哋調職,尤其係水上樂園項目要請幾百人,新崗位需要大量人手,應該優先用番自己員工先。樂園嘅人事變動好快揭盅,行政總裁陳善瑜嘅任期到今年六月尾完結,消息人士話,公園早前已四出獵頭,甚至已有心水人選。

劉鳴煒有意大刀闊斧改革管理層。

 

海洋公園將進行大革新,基層員工可望調職新崗位。