為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2021 年 01 月 29 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

On心力量

未知之知,是先知先覺嗎?
陳健安最新專輯名稱《未知之知》,在歌迷群組中被粉絲笑稱為「未GGG」,On仔大讚歌迷創意,笑說:「呢張唱片個名比較特別,其實係一個旅程來的,面對未知你可以有好多唔同心態,你可以恐懼,但亦可以好似背包客咁,對未來發生嘅充滿好奇。人愈大愈發現,尋找自己原來唔係喺外面個世界搵,最後都係喺自己內心世界搵到全部答案。」
洞悉潛意識的力量,On仔把心一橫將潛意識放大,構思了全新專輯。

陳健安最新專輯名稱《未知之知》,為創造出夢境之旅,他更要倒模「演出」。

 


他說:「呢幾年我有好多決定,靈感係來自夢境,在真實世界中用行為對夢境作出回應。所以我將夢境出現嘅各種元素加入創造,唔知點解我發夢成日見到好多動物,所以創作總監Sheng Wong特別搵晒啲動物嚟陪我影相。」
美術指導Karson Liu創意無限,為On仔創造出夢境之旅,更要求On仔倒模。
On仔說:「呢個真係人生最大挑戰,Karson要我瞓喺一張類似手術椅的長椅上,好彩先為耳仔造模,俾機會我適應一下,而且可以學習用口含住幼小吸管呼吸,不過之後成塊面部倒模,Karson已經聲明,如果幽閉恐懼症的話,會受驚甚至情緒崩潰。」
Karson將粉紅色的泥槳倒在On仔的臉上,連鼻孔亦慢慢被封,而On仔只能含着兩條幼小吸管,一邊呼吸一邊發出哼聲,幸好十分鐘左右後,宣佈倒模成功,不需重造,On仔才放下心頭大石。
他完成倒模後說:「原來真係好驚,好彩有同事陪我傾偈又有音樂聽。以前完全冇咁嘅經驗,因為鼻孔都封住,所以我真係有恐懼感,心跳有加速,特別係鼻孔被封住之後,驚冇辦法呼吸,有接近死亡嘅感覺,不過????家我重生啦,死過翻生。Yeah!」
人生的恐懼都是來自未知的恐懼,如果最大的恐懼是面對死亡的話,那更要把它放下,因為人終須一死,讓活的過程不留遺憾。