為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 01 月 23 日

政府推疫苗接種 港大醫學院有意包場

政府力谷農曆新年後幫市民接種新冠肺炎疫苗,近排頻頻招募私家醫生幫手打針,可惜因為薪酬一般,反應麻麻。不過雲集唔少醫界精英嘅港大醫學院,就有意包個「打針場」來做。日前院方代表發電郵邀請醫科生、前醫學院畢業生同職員幫手。
雖然政府構思嘅接種中心,係遍布全港十八區,但未知是否為咗方便肯捱義氣幫手嘅醫生同職員,等佢哋無須跑來跑去,醫學院並非區區都有興趣競投,而係集中承包一個鄰近港大校園嘅「打針場」。
話晒「包場」為期六個月,而且要一星期開足七日,時間由朝八至晚八,對人手要求都咪話唔大。所以醫學院都未敢大鑼大鼓宣布有意包場呢個消息,現時只係收集意見階段,若然反應熱烈先會推行。話晒今次係「世紀接種」,對港大班醫科生嚟講,不失為學嘢嘅好機會。港大醫學院呢次行得咁前?唔知中大醫學院又會否包埋一份呢?

港大醫學院有意出動醫科生、前畢業生及職員,承包一個鄰近校園嘅「打針場」來做。

 

 

疫情又反彈,政府有意喺農曆年後力谷打疫苗計劃。