為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2021 年 01 月 19 日

關慧玲

《東周刊》社長兼總編輯。

最後一片淨土

疫情下,一家大細假日無處可去,都走到郊外行山透氣,摩肩接踵的,反而鬧市就門可羅雀,很多店舖、食肆都關門。其實時近農曆年尾,往年市民應該趕着辦年貨至啱,現在竟然山中遊人多過市區,堪稱二○二一年一大奇景。
這是本周日下午兩點行山老友拍下的,在城門水塘菠蘿壩小巴站有百多二百個行山人士在等小巴,閒閒哋等二十至二十五分鐘;另一條人龍就排隊等的士,亦有私家車出出入入,又掉頭又胡亂泊車,成條路塞住晒。所謂一點五米的社交距離,其實完全做不到。
其他熱門行山點諸如流水響、千島湖都一樣,基本上想找一處打卡位都不能。除了人多,山上防疫意識亦見鬆懈,有小朋友沒戴口罩踩板車,亦有的一家十幾口闖進被膠帶圍封的效野公園用餐區,脫下口罩在開餐。

 

 


一時間多了咁多行山新手,筆者問跑山達人莫里斯Morrissey有咩要注意,佢話行山禮儀首要是人多嘅時候唔好阻住人,唔好一字排開行,唔好企喺山路中間等人,行得慢可以企埋一邊讓人行先,尤其帶小朋友行的,家長更加要注意照顧,最好靠山路的其中一邊行走。
其次就是唔好隨意摘走山上植物,例如早前嘅芒草就係重災區,被人扯到七零八落;
此外沿途見到馬騮野豬黃牛等任何動物,佢不招惹你時人也沒必要去騷擾牠們。
有些人喜歡背個小喇叭上山,成個山頭都瀰漫着他自己喜歡的音樂,無論有多動聽,都會破壞寧靜的山頭,其他人未必咁欣賞。
其他諸如出發前先了解路段易行還是難行,中途有無補給點,需要行幾耐,這些都是常識,出發前要做好功課。
還有最最最重要的,是自己垃圾自己帶走。這陣子上山見得最多的是用過的口罩和濕紙巾,而這些多多少少都有膠的成分,都不容易分解。有些遊人開餐後將包好打結的一袋二袋膠袋垃圾留在山上,掛在樹杈,或是流落海邊,誰說所有垃圾都可以在大自然自行分解?網上資料分析,一條香蕉皮需要十日來分解,橙皮就要花上幾個月,而煙頭就要十二年;一個膠袋要五百年以上才能分解,最難搞是發泡膠盒,或需要一萬年。
既然郊野是我們最後一片淨土,請愛惜她。