星二代的另一半，往往是大家談論的焦點，好像前有線主播、藝人石修的新抱林佑蔚（Camille），婚後雖退居幕後，和老公陳宇琛（Sam）專心搞製作公司，但活躍的她，仍不時於社交網放閃。早前，她就分享了一家人慶生的照片，大晒家庭樂。
樣子甜美、擁有一雙長腿的Camille，吸睛度絕不輸給凍齡老爺，剛完成營養學課程的她，近日更有新搞作︰「嚟緊會開YouTube頻道，希望大家關注精神健康，同埋請過來人分享多啲正能量嘅故事！」
至於幾時生B，她笑稱老爺奶奶都很心急，她和老公會努力造人，希望今年有喜訊公布！

今年只有三十歲的Camille， 衣着打扮成熟，十足事業女性。

早前一家人開心出外食飯，替石修慶生。

夫妻拍檔

電視主播向來靚女多，好似早年的李佳芯、黃翠如、譚凱琪⋯⋯林佑蔚亦是其中一位，不過，人靚聲甜的Camille，未有如前輩般入行發展，反而廿七歲就速嫁石修兒子陳宇琛為妻，之後更退出幕前，專心和老公搞製作公司。作為人妻的她，工作依然甚搏，拍攝當天，她便以低胸top配短裙上陣，身材Fit爆，別看她嬌滴滴，原來是超級運動迷！
「中學時期跳拉丁舞，會研究唔同嘅減肥方法，以前出trip，我會帶啞鈴做運動，同事都笑我癲，仲有以前嘅我，每日早餐都未食，就做一個半鐘頭運動，係高強度嗰種跑步。呢個模式維持咗五年，近兩年發覺身體容易攰咗，經期又唔係咁順，先發現覺自己做運動可能Extreme咗，身體需要平衡，呢家學識唔好迫得自己咁緊！」
現時體重九十九磅的她，看起來十分標準。「呢家有做瑜伽、普拉提同跳舞，盡量多樣化啲，之前趁疫情停工，我仲讀咗個網上營養學課程，因為本身一直對營養學有興趣，遲啲會喺YouTube 頻道，同大家分享多啲健康心得！」
除了搞自己的網上頻道，兩口子早於拍拖時，已合作搞製作公司，Camille主力對客，做行政工作，難怪今年只有三十歲的她，穿衣打扮均顯成熟。 「電影、電視工作，Sam會負責多啲，我就做多啲企業客戶，因為我大學讀Business，對客比較有信心！」

陳宇琛知老婆愛貓，特別送她兩隻貓貓作生日禮物。

到美國留學數年，不時與同學仔聚會，節目多多。

當節目主持時，她曾訪問不少外國紅星，如在《吸血新世紀》中繹演Cullen 家族領袖的Peter Facinelli。