「文青女神」蘇麗珊（Cecilia）早前夥拍男友施韋洛(Kenny)，在逆市開按摩店和餐廳，正式拖手公開戀情。被指是富二代的Kenny，旗下有品牌規劃公司、多間不同品牌的餐廳、麵包店、按摩店及服裝品牌等，台北佔地四層的餐廳及藝術概念店亦剛剛開幕，但他就不認自己是「富二代」。
「『富二代』喺香港有啲眨義，何況我唔係。就算係普通人，每件事好勤力好用心去做，都有成功嘅一日。如果失敗咗，我唔介意重頭開始由低做起，呢個就係我嘅本錢。」
他笑言，工作時會全力以赴，拍拖時亦會盡情放鬆享受二人世界，最愛女友親手炮製的愛心住家飯，「佢會煮飯同整甜品，我好享受食佢煮嘅每一餐。」

沒有老闆架子的Kenny笑稱，公司同事是其最值錢嘅資產：「我會盡量記住所有同事個名，好似手足咁。我對員工好好，有求必應，間中會請佢哋返屋企食飯，但佢哋成日蝦我，去買大堆零食就要我埋單，但無所謂啦，大家開心，哈！」

Kenny與蘇麗珊拍拖接近一年，仍在熱戀期，他笑說：「佢不時嚟公司接我放工，佢話唔怕俾人影到我哋拍拖，因為光明正大，又唔係唔見得光。」

蘇小姐

Kenny的辦公室內，擺滿他心愛的玩具，有小飛俠、米奇老鼠、唐老鴨和蝙蝠俠等，他鬼馬地說：「蘇小姐見到我買玩具，成日鬧我，屋企仲有好多呀，如果好鍾意嘅款，我會買兩件，一件自己玩，另一件用來儲，我最鍾意儲玩具、波鞋同手錶。」
他稱女友做「蘇小姐」時，笑得甜蜜非常，二人拍拖半年多，從不避忌，「係朋友介紹我哋識，未識之前已經有幾個朋友不約而同講Ceci好好，識落之後我好欣賞佢，好多藝人表裏不一，但佢喺鏡頭前後都係一樣。佢不時上來接我放工，拍拖初時，我怕佢俾人影到，唔敢同佢拖手，反而係佢主動拖住我，話俾人影到咪影到囉！拍拖就係咁樣。原本我好緊張，後嚟就輕鬆晒。」
拍拖後，Kenny開始有「住家飯」吃，「佢每星期都會陪我同屋企人一齊食飯，佢好sweeto架，會煮飯同整甜品，佢知道我好鍾意食香蕉，每日會為我預備一條香蕉，仲買咗個香蕉盒，俾我帶返公司，我哋相處得好舒服，我哋係認真發展，向美滿的結局進發。」

父親是建築師，其胞妹現在是一名教師，小時候兩兄妹最開心和爸爸四圍去玩。

他們喜歡自拍，記下戀愛日誌，這天拍拖坐開篷車曬太陽，齊齊嘟嘴selfie。

辦公室內擺放了大量人偶珍藏，為他注入開心能量，其實這裏只佔其珍藏的一小部份。