大搜捕殺到「攬炒派」鳥獸散
繼政圈傳出人大常委或會「出手」DQ民主派區議員，嚇到本來係威係勢要各區聯盟討論政事、由一班「攬炒派」區議員牽頭搞嘅「香港公民議政平台」，籌組咗六個月都未成事，終於喺大除夕率先宣布解散唔玩，成個計劃胎死腹中。
直至上周警方拘捕五十多名涉嫌違反《港區國安法》嘅泛民初選人士，包括灣仔區議會主席楊雪盈在內，搞到佢有份牽頭組織嘅「灣仔起步」，亦即宣布停止運作。話說楊雪盈自從做咗區議會主席後，多次被揭發將議會資源明益佢嘅手足，現在楊惹上官非，估唔到佢班手足只能共富貴，不可共患難，第一時間割席跳船。
