為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 01 月 16 日

嫌酬勞低風險高 私醫唔願助打疫苗

政府下月開展新冠病毒疫苗接種計劃,十八區都會有接種中心,覆蓋面咁大,當然要搵埋班私家醫生幫拖。當局提議醫生組隊競投為期半年嘅社區注射站嚟做。不過包場後就要包埋醫生同護士人手,條數都幾襟計。公務員事務局長聶德權日前開口叫醫生們收「友情價」,聽聞每劑疫苗資助費大約一百至一百五十蚊。
打一針有百幾蚊落袋,聽落唔算少,不過有私家醫生就對競投注射站興趣唔大,擔心新疫苗副作用未明,一旦有病人打完後暈低,隨時一身蟻。至於另一參與計劃就喺自己診所協助接種,反應亦一般。家庭醫生李福基話,由於政府建議病人打針後要留低觀察最少十五至三十分鐘,一般診所嘅候診區只坐到幾個人,若然有大班市民一次過湧去打針,隨時企都無位企。
佢話好多醫生最擔心係打針後一旦病人出事,會遭人投訴同索償,「政府應該就施打疫苗提供免責條款,並為幫手接種嘅私家醫生安排急救藥物,事關呢類藥唔易買到,當局有必要提供周詳安排。」

部分私家醫生擔心有市民打針後出現副作用遭索償,李福基醫生(左)建議政府提供免責條款。

 

疫情揮之不去,政府預計農曆年後推出疫苗接種計劃。