為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 01 月 15 日

唔揸辣跑棄食火鍋 郭富城一拖五速食薯條

一講郭富城(城城)就諗起辣跑和麻辣火鍋,事關他珍藏了多部名車作投資,仲誇張到打算開慈善展覽????,而他熱愛火鍋的程度係試過一星期食足7日,可謂食極唔厭!不過自從2017年與方媛結婚,並誕下大女Chantelle(大寶)和細女Charlotte(二寶)後,為了方便載家人,昔日出入以跑車代步的城城都改揸5或7人車,日前《星島日報》就拍得城城趁周六Family day,駕着白色保時捷家庭車現身淺水灣,一身全黑Casual Look的城城與太太行完街後,便陪兩個囡囡、外母和家傭姐姐去西餐廳醫肚,惟礙於現正實行晚市禁堂食令,眾人只好用20分鐘速食薯條,真係天王都冇面畀呀!

城城一家早前出外用餐,眾人用了20分鐘速食薯條,在晚市禁堂食令前真係天王都冇面畀呀!

 

1歲多的二寶要婆婆抱住餵食薯條,好得意。

 

城城在Coffee Shop買完杯熱啡,即在大街上除口罩邊行邊歎。

 

55歲郭富城自升呢人夫兼人父後變「黐家男」,不單止經常將大女Chantelle和細女Charlotte掛嘴邊,現時更幾乎絕跡社交場合,一收工便趕回家湊女、陪愛妻方媛。上月仍於內地趕拍新片《我的爸爸不一樣》的城城,日前回港後趁唔使開工,便與妻女、外母及家傭姐姐落淺水灣,享受家庭樂。雖然貴為天王,但他都非常Down to earth,當日約傍晚5點,《頭條日報》記者發現城城一家在商場Shopping完後,步行到底層覓食,城城先在Coffee Shop買了杯熱啡,隨即在大街上除罩邊行邊歎,行到附近一間西餐廳時,「城嫂」先去攞位,城城就去陪坐在旁邊長椅的囡囡和外母。

城嫂去攞位,城城就陪囡囡和外母在餐廳外玩住等。

 

方媛拖住囡囡站在路旁等老公駛架車過來,紮住個「春麗」頭、仲褸仔跌晒膊的大寶Cute到爆。

 

貼地天王


其間街上人來人往,城城都未有介意途人目光,全程企喺度低頭同大寶傾偈,????囡囡開心。一見有位,眾人即移師店內坐低點餐,由於現時本港正實施傍晚6點後禁晚市堂食,他們只好兩個兩個隔住塊膠板坐,兼6個人點兩份大薯條,3歲大寶好叻豬識得自己拎薯條食,不過1歲多的妹妹就要婆婆抱住餵食,但咬咗一啖,二寶就皺晒眉頭擰晒頭,家傭姐姐即拎出豬仔水壺,服侍小公主;至於「城嫂」則不時四圍望,高度戒備,而城城掛住用叉拮薯條慢慢嗒,相當悠閒。極速於20分鐘內食晒啲薯條,搭正6點大家便起身走人,一步出馬路見到記者,兩公婆即禮貌向鏡頭Say Hi,其後城城獨自去取車,一班女人仔就在停車場等坐駕駛至便上車返屋企。


 
 

榮升兩女之父後,城城甚少出席社交場合,逢生日或過節必定陪家中3個情人度過。