為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2021 年 01 月 06 日

【疫下陀B】鄭佩佩留美未能抱孫 原子鏸:生完一定去見佢

預產期3月的原子鏸,與摩洛哥籍丈夫Mehdi El Ajimi齊影大肚寫真。

原子鏸(Marsha)去年9月宣佈跟摩洛哥籍丈夫Mehdi El Ajimi造人成功,囝囝預產期為今年3月,日前Marsha趁分娩前,跟丈夫一齊影大肚相留倩影,雖然Marsha陀住6個月肚腹大便便,但體態依然纖瘦,做起瑜伽動作依然自如。她又透露媽咪鄭佩佩正在美國未能第一間抱孫,但生B後一定會帶去美國見媽咪。

Marsha話丈夫希望囝囝似她會更靚。

Marsha表示現已懷孕6個多月,沒有早期的妊娠不適,惟每次飽肚會有「頂住」感覺,「個肚愈來愈大,食飽更加覺得好似頂住,抖唔到氣咁,要趴喺度抖,所以我嘅食量冇話特別多,但晚餐唔會食太多。」而Marsha透露有一直做瑜伽及散步,每日差不多做兩、三小時運動,「本身喜歡做運動,唔想自己會好腫,所以日日都有運動,其實我做完瑜伽之後,發覺佢(BB)喺肚裡都會郁好多,好似喺肚裡做瑜伽咁。(老公有冇支持你做瑜伽?)支持,但一開始佢都有啲驚,老師都叫我小心啲。」問到產檢時有冇見過BB的樣子,究竟是似爸爸定似媽媽?Marsha表示:「有照過,但淨係見到BB個鼻,佢(BB)用手遮住個樣,其實我想佢似老公,男仔嚟想佢Man啲,想佢好似我老公咁曲髮,但老公就話想佢似我會靚啲。」

Marsha和老公抱埋愛犬影全家福。

Marsha陀住6個月肚腹大便便,但體態依然纖瘦。 

疫情肆虐Marsha也有格外小心,「去街返屋企第一時間洗手、沖涼。」問到身在美國的媽媽鄭佩佩可有緊張她懷孕?Marsha說:「媽咪冇特別緊張,不過我哋每日都會電話聯絡,佢喺美國都好少出街,由二家姐照顧佢,我生完之後一定會帶小朋友去美國見佢。我當然想媽媽喺身邊,但冇辦法啦。(媽咪有冇教補身?)媽咪話佢完全唔記得啲嘢。(媽咪有冇幫BB改中文名?)媽咪冇要求,中文名留畀我爹哋去諗,如果唔畀爹哋諗,佢會唔開心。」不過原來Marsha現時還未添置BB物品,因屋企正準備裝修,「都係油吓油、加度門,搬走啲傢俬,到時我哋會搬去另一個地方住兩星期,等啲裝修味冇咗就返嚟住。」

Marsha同老公齊齊做瑜伽,去水腫保持體態。