為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2021 年 01 月 07 日

破地獄使者 張振朗

不是電影,張振朗是網民眼中的「地獄黑仔王」。
原因?簡單!一七年至一九年,他拍過五部劇集,但全部於一九年七月起,才先後出籠,播出次序為:《包青天再起風雲》、《牛下女高音》、《機場特警》、《反黑路人甲》,還有最早開拍,去年最後一個星期才播出的《堅離地愛堅離地》。於不同因素影響下,五套劇集先後被抽起。
「我成日都覺得,幾特別o架呢個名。你諗吓,咁多年嚟,有邊個artist有咁嘅稱號?有邊個會有咁多套劇都播唔到o架?一諗,吖!張振朗!
「係咪真係黑仔?我又覺得唔係,雖然啲劇喺當時播唔到,但只係時間問題。係!我試過有兩年時間,冇劇出過街,但o依家五套都出晒街嘞,我係幾滿足嘅。」
突破地獄,入行踏入第十一個年頭的張振朗,不止可以昂首闊步,三十三歲的他,於周日舉行的《萬千星輝頒獎典禮》,還有份角逐「視帝」。
「完全冇期望(攞獎)!我反而想睇祥哥(黎耀祥),破紀錄第四次拎獎!」BTW,他現在日以繼夜拍攝的劇集,就是跟黎視帝合演的《拳王》。
要走過地獄,襟撈才是王道!

 

 

 

 

三年

張振朗首嘗「男一」滋味,就是一七年拍《堅離地愛堅離地》這套劇,但因「安心事件」,劇集淪為倉底貨,事隔三年終於重見天日,雖然一些記憶可能會模糊了,但他表示:「好多嘢我都仲記得好清楚,始終係第一次,我嘅熱血係非常之高昂嘅。所以,我喺去年嘅頒獎禮都講,好想呢套劇可以喺香港播。喺開拍前兩個月,我做咗好多功課,上網做research睇吓宅男係點樣;去埋動漫節、電腦節,學晒宅男講嘢模式、衣着、髮型,連用咩背囊、mouse同keyboard,我都跟到足。
「當時我拍完《踩過界1》,我某一啲思想俾浩信啟發咗,咁啱有呢套劇,俾我第一次做『男一』,我就將自己咁多年學過嘅嘢,擺晒落去演。o依家睇番,我都覺得演得唔錯o架。」
備受力捧的他,曾經的「倉底貨」已全部播出或播映中,「o依家一次過出晒街,好嘅地方係,我喺呢五套劇嘅角色,都有好大分別,有黑幫、有特警,又有宅男,五套連住播,我都冇俾人話:『咪又係咁樣!』呢個係好安慰嘅。」
訪問這天的早上七時,張振朗才拍了一個通宵,下午便要接受一個接一個的訪問。趕拍新重頭劇《拳王》的他,要為新角色操肌,每日有五小時的睡眠時間,已屬奢侈,但喝着提神咖啡、極力睜大眼裝精神的他,仍狀甚享受。
「我好enjoyo架!因為喺呢一行忙先至係好事,愈冇得瞓係愈好!的而且確,有時會好攰,早排我要操fit,cut水同嘢食,仲會好失落添!但冇辦法,做緊自己鍾意嘅嘢,就要堅持。」

三年前,張振朗與龔嘉欣於《堅離地愛堅離地》,首嘗當男、女一的滋味;三年後,劇集終於在港逃出生天。

 

由一七年九月至一九年七月,張振朗沒有新劇播出,期間只擔任綜藝節目主持,還參演包括跟黃心穎合作的《牛下女高音》,及上月才播出的《堅離地愛堅離地》。