為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2021 年 01 月 06 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

大發地產創生活情景

踏入新一年,謹祝各位身體健康,財來有方!今期同大家講大發地產(6111),公司名稱夠晒好意頭。大發於一九九六年成立,二○一八年來港上市,現時擁有「中國房地產一百強」、「華東房地產公司品牌價值TOP 10」等殊榮,但最特別係得到「特色地產運營優秀企業」和「情景地產」稱號。
公司管理層解釋,住戶需求不斷提升,已經由「住得安心」升級到「過得開心」,因此大發營運目標唔單止打造宜居空間,而係以用家思維設計和管理「生活場景」,並喺呢個基礎上研發產品和創新服務,由細微處將情景融入住戶生活裏面。大發開發出五個物業系列,就係要令業主搵到適合自己嘅產品。例如,年輕人需要「歸家儀式感」和社交空間;一家三口就要規劃好父母和小朋友各自嘅生活空間,對家嘅要求都不一樣。
最近一齣大熱劇集,探討到底買樓同建立一個家,邊樣重要啲。大發地產主席葛一暘曾經同傳媒講,物業品質配套地段校網等等係重要,但情感最珍貴,「情景地產」嘅理念正正係回應置業者呢項深層需求。公司了解每一項物業對於住戶都係一個家,所以會經過深思熟慮和實地考察,至作出設計抉擇,希望令住戶有好嘅宅體驗。

大發地產投資者關係經理李文琦(右一)。

 


由大發地產往績睇嚟,市場對於公司理念十分受落。二○年上半年,公司合同銷售按年升五成八至一百一十二億元(人民幣,下同),合同平均售價每平方米逾一萬三千九百元;上年首十一個月則累計二百六十三億元,售價升至逾一萬四千九百元。
公司全國策略布局,亦係支持業績嘅關鍵。大發於上海起家,並以當地為「圓心」,圈出長三角地區為發展重心,同時積極布局五大黃金城市群,即成渝、西部、中部、環渤海和粵港澳大灣區。公司亦密切注視其他發展潛力高嘅重點城市,以便掌握入市先機,為未來積極擴張做好準備。呢項「1+5+X」發展戰略,有效為大發建立穩健嘅市場基礎,可以有充足底氣去應對大環境嘅不確定性。
上年六月底時,公司共有八十二個項目,總規劃建築面積六百五十萬平米,平均地價每平米不到四千九百元。項目分布上海、南京、杭州、溫州、蘇州、南通、重慶、成都、寧波及合肥等三十個城市,其中七十個項目位於長三角。內地房地產市場上年第二季開始復甦,長三角無論量價表現都好突出,而長三角區域一體化發展,相信會為大發地產提供進一步動力。
公司對於重大投資取態審慎,有既定評選原則並嚴格遵從,並會對目標城市進行深入研究,以考慮是否進入。公司繼續增購地皮,主要位於長三角和成渝都市圈,集中喺經濟基礎強健嘅城市。新增地塊成本較之前有所上升,但長三角嘅增長潛力優厚,值得在此深耕發展。