為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 01 月 03 日

美領使館拒庇護 曾志健在港「流亡」?

涉嫌一九年十月一日喺荃灣參與暴動,並因襲警而遭警槍射傷嘅中學生曾志健,喺二○年十月出庭時曾透露會認罪,案件排到十二月再訊,結果佢不但冇出庭,同日兩間傳媒刊登佢嘅訪問,話佢「想避免不公平審訊」,又預料會被即時還押,所以決定唔出庭。
佢再爆出十月時曾與前學生動源召集人鍾翰林等五人,打算一同進入美國駐港總領事館尋求庇護,鍾翰林早到被警方國安處拘捕,佢同另外三人及後亦遭領事館職員要求離開,於是決定逃亡,並發聲明話佢已「流亡」及「自由地生活中」,但就無提身處何地。
一個中學生識得扮認罪博保釋,識得搵庇護,仲叻到預先做訪問安排指定日子刊登,你話佢背後冇人策劃,真係搵鬼信。之不過,據了解曾志健並冇出境紀錄,極可能只係喺香港「流亡」,等機會偷渡離開。

曾志健一九年十月提堂時,其槍傷已治癒,出庭應訊獲准保釋後,可自行離開法庭。