為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2021 年 01 月 02 日

警察重重包圍 黎智英日日接客

黎智英涉違反《港區國安法》的案件排期二一年四月十六日再訊,佢被扣押咗二十日後,竟然喺平安夜前夕獲准保釋外出,其中一項保釋條件規定,除到警署報到或上庭應訊外,必須要全日二十四小時留在住所。
喺聖誔假期前後四日,佢就日日喺屋企接客。平安夜招呼佢老婆一班親姊妹,包括姐夫民主黨前主席楊森等二十人上門聚餐;聖誔日就輪到同民主黨成員密會,出席嘅有創黨主席李柱銘夫婦、前主席何俊仁、前立法會議員李永達、現任副主席林卓廷,仲有陳日君樞機。至於壹傳媒行政總裁張劍虹、《蘋果日報》副社長陳沛敏及總編輯羅偉光、《壹週刊》前社長楊懷康等人,就喺Boxing Day上門密會逾兩小時。翌日就輪到同佢兩個仔黎見恩、黎耀恩兩家人聚首。
肥佬黎訪客車輪轉,警方為防止佢會匿入車潛逃,連日來出動唔少警力,重重包圍佢間屋,仲喺附近設路障查車,甚至連車尾箱都查埋。至於肥佬黎話就話出街唔做訪問,唔發表文章,之不過佢見咁多人,想發表啲咩,大可以經由唔同嘅人通傳消息,更可以坐喺大宅指揮大局。所以律政司為咗反對佢保釋,罕有地向終審法院提出上訴,案件於十二月三十一日早上開庭處理。

警方在黎智英住所附近設置路障,截查出入車輛。

 

黎智英在平安夜獲准保釋回家度聖誕。