為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 12 月 25 日

網上售賣生酮曲奇 唐貝詩陳雅麗想拜「鋒味廚神」為師

唐貝詩、陳雅麗網上售賣生酮曲奇,唔敢搶謝霆鋒曲奇生意。

唐貝詩(Lydia)及模特兒出身的陳雅麗(Allie)都好着重keep fit,最近兩人除咗相約做瑜伽外,仲同「40億千金」蔡頌思齊齊創業,趁住聖誕及新年黃金檔期,於網上售賣生酮曲奇。記者取笑她們同「鋒味廚神」謝霆鋒爭曲奇生意?陳雅麗大笑說:「嘩!我好鍾意謝霆鋒o架!可以嘅話送畀佢食,但怕佢食完之後,以後佢會研發呢類型曲奇,以後同我哋爭生意喎…不如向佢拜師,夾埋佢玩啦!」

唐貝詩、陳雅麗做瑜伽Keep fit。

當日Lydia及Allie做咗唔少難度瑜伽動作,幾乎考起新手陳雅麗。Lydia話年紀愈大,筋骨愈硬,愈要多運動,她說:「以前冇乜運動基礎,直至喺15年先開始做運動,因為當時我剛簽第一間電影公司,經理人第一句叫我減肥,當年我110磅,想fit啲,線條靚啲,上鏡包包面唔好睇。」當然,更加要注重飲食,Lydia近年已戒糖及澱粉質,食得健康後再冇肚脹,直至上年開始才敢着短tee:「媽咪寇鴻萍係港姐出身,以前啲人問:『點解唔跟媽咪選港姐?』因為我怕醜,我冇法着泳衣出嚟。」


投資五位數字已回本
唐貝詩雖然戒甜3年,但都愛食甜品,疫情下惟有留家研究健康甜品食譜,改用碳水化合物含量低的杏仁粉或椰子粉取代麵粉,點知變成商機,同陳雅麗與「40億千金」蔡頌思一拍即合,於網上出售生酮曲奇。陳雅麗坦言只係5位數字低成本投資:「最初打算賣到200盒經已好開心,意外地愈賣愈多,o依家賣到600盒。都算係超額回本。」唐貝詩就開心形容係近年最大嘅興趣及成就,因為本身不會做生意,媽媽支持買咗20盒。

唐貝詩、陳雅麗話年紀愈大愈要做運動。

唐貝詩、陳雅麗係生意及做瑜伽好拍檔。 

陳雅麗爆合作有忟憎
問到會否擔心有拗撬?陳雅麗承認一個人落手落腳做,有時會有啲忟憎,但女仔嘢,好快冇事,唐貝詩反而覺得係加深咗友誼,仲大讚蔡頌思好有責任心:「即使佢唔喺香港,無論收幾點,都冇怨言去做,希望呢個組合長做長有,仲打算農曆新年出埋曲奇禮盒。」

主張健唐嘅唐貝詩、陳雅麗網上售賣生酮曲奇。

諀霆鋒做嘅食物受讚賞。

唐貝詩做生意獲父母寇鴻萍、梁廷鏘及細妹唐貝欣力撐。

陳雅麗喺星皓電影《西遊記女兒國》同羅子溢(羅仲謙)合作過。

唐貝詩近年終敢着露臍裝見人。