為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 12 月 18 日

發表抗疫感受感激身為中國人 周柏豪被唔同政見網民洗版式追擊

周柏豪「大文豪」上身搞到被網民追擊。

仲有唔夠半個月就送走2020,疫情下今年令全球陷入困局,工作大減嘅周柏豪「大文豪」上身,昨日在facebook專頁出post,貼出抱B女相有感而發留言:「2020年,過得驚心動魄,一個疫症看透了一個進退失據,脆弱無助的世界,不得不心存感激自己身為一個中國人,活在一個為抗疫上下一心的國家,在庇蔭下令我與家人過上健康和順的日子,2020快要結束,新一年會更好。」

資料圖片

雖然係一個溫馨帖子,但惹來一眾網民洗版式追擊,唔少唔同政見嘅網民鬧爆他冇良心,表明會unlike他。網民留言表示:「做人呢,應該飲水思源,記得喺邊度地方由寂寂冇名到紅透半邊天嘛?還記得你由同天空到百年不合係邊個度嘅人支持你嘅碟嘛?還記得由九展到紅館係咩年齡層嘅人食炒價都買飛睇你演唱會嘛?不過算啦,當係最後一次係度comment,已unlike。」、「喜歡你10年,從來冇失望,o依家你真係令我好失望。」、「唔出聲冇人話你啞!」不過,凡事總有支持聲音,都有鐵粉和議留言:「多謝柏豪正面訊息」、「欣賞你,支持你。」有啲中立派見柏豪處於兩難局面,無奈說:「其實好好哋,點解冇嗱嗱又講返呢啲嘢?唉!」