為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2020 年 12 月 09 日

溏情化不開 黃隆滔

食物的味道,往往盛載着一份回憶!
世界御廚楊貫一(一哥)的愛徒黃隆滔,多年來拿着鑊鏟,跟隨師父走遍大江南北,廚藝深得一哥真傳。
去年獲一哥傳授世界御廚戰衣的他,在飲食界人氣日漸提升,且已獨當一面,但他仍不忘師父對他的提攜之恩。談及師父恩情,他雙眼通紅說:「好開心跟咗個好師父,佢毫無保留乜都教晒我。啱啱同佢慶祝89歲生日,我希望佢日日都身體健康,等我可以多啲時間孝順佢,報答佢。師父嘅阿一鮑魚,代表佢一生努力同成就,做徒弟嘅,就要盡力去保住呢塊金漆招牌,保持軟糯溏心嘅原有味道。好嘅嘢,我哋唔好去改變佢。」
不忘本,加上承傳一哥廚藝,黃隆滔烹調的菜式,除了色香味,還有一份化不開的人情味。

 

 

摘星廚神

這天黃隆滔忙完飯店午巿後,即脫去廚師服,換上筆挺西裝,坐在偏廳侃侃而談。自去年富臨飯店摘下米之蓮三星榮譽,身為行政總廚的他,走得更前。平日除了在廚房嚴控美饌品質,晚巿後亦會走到樓面,聽取食客意見,記下客人的喜好。面對近一年的新冠疫情,他和飯店團隊亦設法救亡,除了搞外賣,更和不同領域的名廚合作,推出多場四手盛宴。
「一場世紀疫症,全港嘅飲食業都嗌晒救命,好多嘢我哋控制唔到,唯有喺有限嘅條件下盡量去做,師父教落,人係要不斷向前,不進則退。」
其師父楊貫一雖然已年屆八十九,但每天仍然堅持返回飯店打點。黃隆滔近年習慣每日做完午巿,下午就陪伴師父,風雨不改。「呢十幾年多咗同師父一齊,師父年紀開始大,盡量想多啲時間陪住佢,每日下午陪佢去附近休息室唞吓,同佢傾吓偈,晚上收工就陪佢返屋企。」

身為行政總廚的他,除了在廚房裏工作,每有鮑魚海味到貨,他更會親自驗貨。「鮑魚色澤、珠花、形態和香味,樣樣都要好。」

 


他與一哥的師徒情誼,始於九十年代初,「嗰時我喺食街做炒鑊,而我屋企係賣雞蛋嘅,有日幫屋企人送雞蛋去一哥間飯店,知道請人,雖然只係『士啤位』,但因當時好仰慕呢個人做鮑魚咁叻,抱住學習態度,咁就轉過嚟,眨吓眼一做就二十九年。」
黃隆滔加入富臨飯店後,在廚房默默耕耘,一哥間中行過,指點兩句,他如獲至寶,牢牢記着。因他肯學肯做又不怕蝕底,漸漸得到一哥賞識,至二千年初,一哥經常獲邀到世界各地表演,便開始帶着他穿州過省煮鮑魚。
「師父多徒弟,有啲好叻好有成就,芸芸咁多徒弟當中,我算係比較幸運。呢十幾年,可以成日跟住師父出埠,去過美國、加拿大、泰國、新加坡同內地好多大城巿,出席品牌代言、培訓班和一些大型宴席等,示範表演煮鮑參翅肚,可能師父鍾意我夠力拎行李啩,哈哈!好多時仲要幫手擋住啲粉絲,有次去內地一個培訓班,由到埗開始,啲學徒就排隊影相,連去廁所都唔放過,喺尿兜旁邊都要合照,師父話:『等我小埋個便先再影!』一日閒閒地影千幾張相。」

 

一哥十月中度過八十九歲生日,黃隆滔和飯店老闆邱威廉(右二)、營運經理CK(左一),送上大利是和大壽桃向一哥賀壽。