為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 12 月 05 日

楊岳橋譚文豪想加盟 火鍋股東有意見

公民黨楊岳橋同譚文豪因為加入泛民玩總辭,頓時無咗立法會議員份高薪厚職,有人話佢哋係專業人士,楊岳橋大不了可以重操故業做大狀,身為機師嘅譚文豪,都可以揸翻飛機啫。
不過,疫情未見盡頭,譚文豪相信好難重返航空界,有傳佢近排成日搵埋楊岳橋一齊,四出打探有乜搵錢門路。兩人左度右度一輪後,盟生創業念頭,仲要係睇中黨友林瑞華開嘅火鍋店,貪佢本少利大,只要切好啲食材畀客人自己去滾熟嚟食就得,佢哋仲想直接入股就可以做老闆。
可惜兩位前議員實在太出名,有傳火鍋店部分股東怕佢哋太「惹火」,擔心兩人言行出位,隨時連累舖頭生意,對其加盟有所保留。

無議員撈嘅楊岳橋(左)同譚文豪(右),蠢蠢欲動想入股火鍋店做老闆。