為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 30 日

好學兼孝順 前空姐阿Tsar節目爆張曼玉刨晒全機時裝書學時尚

前國泰空姐阿Tsar 喺YouTube Smart Travel頻道中,跟受訪嘉賓大談張曼玉喺長途客機上孝順兼好學。

一名前國泰老總級空姐阿Tsar離職後轉行做YouTuber,早前她在其Smart Travel頻道大談空姐最喜愛和最討厭的明星乘客,揞名爆明星客的種種惡行,網民剝到一地花生。之後她又以「巨星是如何煉成的」為題,暢談同業遇上一向親民的周潤發(發哥)坐飛機的經歷,讓人不得不佩服這位大明星的成功之道,Tsar姐娛樂加資訊節目廣受網民歡迎,訂閱接近七萬人。

而昨晚一輯節目,阿Tsar搵埋另一位前空姐Daisy做嘉賓,齊齊再爆最情義、最孝順嘅名人及藝人。其中講到一班由香港往巴黎夜機航班上,坐頭等客位的張曼玉每隔一小時,就走去商務客位睇吓媽媽,仲唔該前,唔該後,好有禮貎咁囑咐空姐好好照顧她媽媽,相當孝順。前空姐更大讚張曼玉相當好學,叫空姐搜羅全機時裝書,她仔細到逐隻字睇,從而學習人哋禮儀及文化,張曼玉咁型,咁有時尚觸覺原來係有付出嘅。

阿Tsar嘅娛樂加資訊頻道節目廣受網民歡迎,訂閱接近七萬人。

 

另外,講到喺一班由新加坡返港客機上,喺經濟客艙上,名人富二代竟然係座上客,他以身作質,向下屬完美示範低調,而全程見他都好勤力和下屬傾公事,所以成功有因,亦成為已故爸爸賭業王國接班人之一,口中指的應該係何家二房兒子何猷龍。又,兩年前嘅大年初一喺航機上,見社交名人阮偉文面有難色,木無表情,原來湊大他的家傭過咗身,他要趕往奔喪,大年初一都去參加喪禮,如此有情有義,令空姐大為感動。

張曼玉同謝霆鋒都係時尚達人。

何猷龍貴為新濠國際主席兼行政總裁,但選擇坐經濟客位,好貼地。

阮偉文曾喺大年初一,木無表情飛去參加家傭喪禮,空姐眼中好有情義。

阿Tsar之前提過男神梁朝偉既親民又健談,主動同空姐暢談日本滑雪趣事。

周潤發喺飛機上成日同空姐有講有笑,冇大明星架子。

天后王菲似鄰家女孩,喺機場時會蹲喺地下等行李。