為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 27 日

《叱咤》男歌手7強飛走哥哥 網民質疑:張國榮輸咗畀姜濤?

商台《叱咤》今日公佈的「我最喜愛的男歌手」7強名單中,張國榮突然止步被飛惹來網民熱話。

商台《叱咤樂壇流行榜頒獎典禮》將於明年1月1日舉行,日前公佈的「我最喜愛的男歌手」12強名單中,因為今年環球唱片公司為張國榮推出了專輯《REVISIT》,將他的作品以改編的方式重新製作,所以已離世17年的一代巨星「哥哥」張國榮竟榜上有名,有資格參賽,可以跟陳奕迅、鄭中基、麥浚龍,甚至後起之秀陳柏宇、許廷鏗、姜濤及胡鴻鈞等一同入圍爭入最後5強,自主辦方公布名單後引來網民熱話,不滿商台出綽頭來「消費」已逝者,而且一位傳奇歌手要與一眾年資和地位相距甚遠的新生代並列,係對哥哥不敬。網民激動留言:「竟然將張國榮同呢班蛋散放埋一齊,直頭係侮辱」、「張國榮復活重返903樂壇」...

昨日商台公布「我最喜愛的男歌手」最後8強走勢,哥哥繼續喺入圍名單內,事隔1日直至今日商台公布「我最喜愛的男歌手」最後7強時,只剩下林家謙、姜濤、柳應廷、許廷鏗、陳卓賢、陳奕迅及鄭中基。對於哥哥突然冇得留底,有網民得知後即在叱咤的facebook中留言鬧爆:「哥哥呢?」、「哥哥唔見咗商台你消費完哥哥嗱」、「張國榮輸咗畀姜濤?」、「還我哥哥」、「哥哥唔見咗」...當然姜糖洗版式力撐姜濤,而陳奕迅及「暴龍哥」鄭中基、林家謙、柳應廷、許廷鏗就只獲零星落索Fans支持。

至於「我最喜愛的女歌手」最後7強有AGA、Gin Lee、Serrini、方皓玟、林二汶、衛蘭、謝安琪;而「我最喜愛的組合」最後7強則有Dear Jane、Dusty Bottle、ERROR、ILUB 艾粒、MIRROR、RubberBand及小塵埃。

唔少網民追問哥哥呢?亦有粉絲熱捧姜濤及鄭中基。

網民不滿商台「消費」一代巨星哥哥。

「我最喜愛的男歌手」7強哥哥冇份,哥哥去咗邊?

昨日公佈8強名單仲榜上有名喎。

當日哥哥打入12強時,商台即被網民指責(做)錯晒。

姜濤贏咗哥哥?

陳奕迅都有粉絲撐。

反而都有幾多網民支持「暴龍哥」鄭中基