為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 11 月 26 日

金主閂水喉 民主黨鳥獸散

被全國人大常委會點名DQ嘅公民黨立法會議員郭榮鏗,宣佈退出政壇,結束八年議員生涯,佢聲稱「議會式政治」唔再可行,寧願抽身。但走得咁突然,惹來政圈推測有人擔心《國安法》把刀隨時殺埋身,不如趁早跳船。郭榮鏗本來係公民黨未來新星,呢趟連佢都劈炮唔玩,恐怕會觸發更多公民黨人跳船。
DQ風暴雖然無燒到去民主黨,但聽聞佢哋嘅命運亦危危乎。消息人士話,黨內「老鴿」眼見相繼有泛民議員被警方以疑違反《國安法》拘捕,誠惶誠恐無心戀戰,講明即使下屆有得選,亦無意重返議會。「老鴿」意興闌珊,本來係少壯派上位嘅好時機,可惜泛民背後班「金主」擔心一班「乳鴿」只識搞事,推動唔到民主,近日紛紛打退堂鼓,講明未來就算有「乳鴿」參選,亦唔會「科水」。無咗「金主」呢條大水喉,班「乳鴿」日後想競逐立選,可能要搞眾籌都未定!

民主黨班「老鴿」對立會感到意興闌珊,下屆好大機會唔再參選。

 

被視為公民黨明日之星嘅郭榮鏗,最終選擇跳船。