為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 25 日

【呈陰性】隔離營開live報平安 蕭正楠苦中作樂:要去抹地

蕭正楠喺隔離中心笑晒口直播報平安。

蕭正楠晚上約10時於社交網發放影片,詳細交代因被列密切接觸者而強制入住隔離中心的情況,兼且透露初步測試係呈陰性,大家可以放心。

片中他神態自若,喺一張白色鐵牀前笑笑口拍片說:「Hello 大家好,首先要多謝我啲兄弟姊妹、朋友、同事、記者朋友,關心我嘅Message。我好好,大家唔需要擔心我。我同大家講講我嘅情況先,我o依家喺隔離中心隔離緊。事緣18號,我拍攝我嘅飲食節目,尋晚9點多收到衛生署打電話嚟,話當日有個經理在場,而呢位經理確診咗,而我成為密切接觸者。所以根據法例我需要隔離,咁所以我嚟咗呢度,但係我做咗測試,初步測試係呈陰性,negative,所以大家可以放心。我喺呢度隔離完之後就會返出去,大家唔需要擔心我。希望大家可以捱過呢個疫情,呢個疫情真係好利害,希望大家可以撐得住。好啦!唔同大家講咁多,我o依家要去抹地啦!」

蕭正楠影片背景係隔離中心入面一張白色鐵牀。

蕭正楠本月18日拍飲食節目,接觸過確診廚師要入住隔離營隔離14日。