為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2020 年 11 月 24 日

疫下開廣告公司用妻名命名 杜大偉:錫老婆會發達

杜大偉做「杜四組」忙到甩轆,還同老婆拍住上在疫下創出新天地。

 

杜大偉(David)近年憑《愛.回家之開心速遞》Peter一角彈起,早前還變身「杜四組」,劇接劇忙到「甩轆」;最近新冠肺炎疫情反覆,David的登台及司儀工作驟減,他竟膽粗粗開設廣告製作公司,還以老婆名字命名,兩公婆拍住上在疫下創出新天地。

 

David今勻跳出舒適圈,源於舊同學的鼎力支持。至於用上老婆名字,愛妻號David則冧爆道:「老婆中文名有個琳字,所以公司中文名叫王木木,英文名Stellar亦由佢英文名Stella演變而成,Stellar解作恆星,可以聯想到演藝界嘅明星。老婆係我財政大臣,我負責搵錢,佢負責使錢,名都係用佢嘅先有意義,錫老婆會發達嘛!」

David是廣告界初哥,開公司後邊學邊做,稍後更會邀請圈中友好參加海外睇樓團,實行有錢齊齊賺。笑言要逐步退居幕後的他隨即說:「講笑咋,我鍾意拍戲,會一路拍戲一路做生意,演戲未必可以演一世,所以做返同演藝有關嘅工作,例如廣告製作或藝人管理,都可以叫做延續我嘅演藝生命吖!」

杜大偉早前到馬來西亞「轉職」演講。