為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 11 月 22 日

拒跟隊總辭 陳沛然被狙擊

議會一夜變天,十五泛民議員齊總辭,連衞生服務界立法會議員李國麟都跟大隊唔撈。不過醫學界代表陳沛然醫生就選擇再坐一會,惹來唔少「黃絲」醫生議論紛紛。據知有醫生喺WhatsApp群內發炮,質疑陳沛然作為醫學界代表,為何唔就佢嘅去留先做民調,「佢過去經常就唔同醫學議題,包括應否引入海外醫生等發問卷徵詢醫學界意見,偏偏今次應否加入總辭,就無乜問過業界。」
何解唔做民調就決定留低?陳沛然未有公開解釋,但佢日前寫網誌表心迹,話喺新冠肺炎大流行下,將繼續留在醫院和議會,堅守崗位,跟同業和市民一起抗疫;又強調自己係「中間派」,似乎唔想同攬炒派議員走得太近。佢嘅議助亦喺群組幫口,話擔心有建制派議員趁機重推引入海外醫生,所以陳議員要留守議會,頂住呢股壓力咁話。但部分醫生聽完唔收貨,認為即使有陳留守,亦不過係多一票,質疑影響力大極有限。

陳沛然未做民調就決定留守議會,惹來唔少「黃絲」醫生不滿。

 

疫情陰霾未退,陳沛然認為前線醫生承受唔少壓力,自己有必要留在立會發聲。