為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2020 年 11 月 21 日

十五議員總辭政府慳唔少

四名民主派議員被DQ,觸發十五名民主派立法會議員總辭,雖然辭職生效日期各異,但「攬炒派」議員走晒,政府最少可以慳番成八千幾萬元。不過有筆大數政府點慳都慳唔到,就係每年不多於二百八十二萬零八百五十元嘅辦事處營運開支,聽聞有泛民議員擔心百幾個議助飯碗不保,有意用盡呢二百幾萬,臨尾出份超豪花紅畀班議助,實行Claim到盡都未定。
大眾一向形容月入逾十萬元的立法會議員為「筍工」,每名議員月薪為十萬二千多元,計埋福利、醫療津貼、酬酢同交通開支等,每位總辭嘅議員將失去四百五十多萬元收入,以四名被DQ議員再加上十五人總辭,泛民呢仗劈炮唔撈造成嘅財政損失,高達八千幾萬元。

泛民呢次劈炮唔撈,預料造成嘅財政損失高達八千幾萬元,未來收入將大打節扣。

 

逾百名泛民議助受總辭風波牽連,淪為失業大軍,圖為泛民議助早前因不滿受限制出入立法會,要求與梁君彥見面。

 


不過政府畀每名議員嘅辦事處營運開支,呢筆數係實報實銷,議員可以用呢嚿錢購買開設辦事處所需嘅物資,包括家具、電腦、印影機、手提電話等,上限每年不多於二百八十幾萬。一旦離任,就要將實物交還。
其實,延任一年嘅立法會開局無耐,部分泛民議員就辦事處營運開支呢欄只係用得好少錢,眼見有餘款,不如派份勁花紅益吓議助都未定。泛民議員普遍請唔少議助,平均請八至十個,部分人嘅工作年資動輒八至十年。做得最耐嘅涂謹申,佢議助Betty跟咗阿涂成二十年,如今紛紛捲入政治旋渦淪為失業大軍,班議助當然無晒心機。士氣咁低落,聽聞有泛民議員萌生益吓「手足」嘅念頭,想以Claim盡辦事處營運開支方式,豪出十幾個月花紅,慰勞吓班議助。
豪出花紅呢招,以往建制同泛民議員都有用過,平均出多六至八個月糧。今次即使泛民議員趁散水前來個賣大飽,雖然心知泛民有可能放水變相養住「手足」,但只要啲議助無「回水」畀議員,他日繼續以義工之名幫手,立法會都無佢哋符。但有建制議員促請行管會同立法會秘書處睇緊條數,唔好畀人話濫用公帑。

民主黨多位議員跟大隊總辭,臨走前跟記者揮手道別。