為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁 > 玄機 > 星座
本周星座運程(17/10/17)
整體運
金錢上會受到無形壓力,但好在有貴人幫拖,做生意嘅話,應該會有明燈指引,唔會蝕大錢。

醒你一招
分析力稍強嘅話,都會幫到自己消壓。
整體運
身體開始適應之前嘅變奏,生活變得輕鬆自在,但亦因此而變肥,不過都係幸福肥啦!

醒你一招
輕鬆咗時間多咗,就應該做番啲嘢,調節吓自己嘅生活模式!
整體運
如果同另一半嘅年齡有一定距離嘅,兩人之間嘅感情,會因為緊密溝通而變得親密,感情大躍進。

醒你一招
思想邏輯sync到嘅,自然都會啱key啲!
整體運
上司嘅諗法激發你嘅創意,你可能因而反客為主,想自己搞番次大茶飯,自信滿滿。

醒你一招
舉一反三嘅能力會忽然增強,唔好錯過呢個咁好嘅時機!
整體運
今個星期,溝通成為你最重要嘅一環,不論同伴侶、子女、兄弟姊妹或合作夥伴,傾多啲,得着都多啲。

醒你一招
傾偈係要交心嘅,門面嘅交談唔會令你有任何得着。
整體運
屋企冇好好打理,結果搞到自己意外受傷,都係自討苦吃。係時候好好做吓家務,騰出空間令自己活動更自如。

醒你一招
執屋可以搵鐘點嘅。
整體運
水星進入二宮,理財上會有好運來臨,甚至會有貴人,自己行出嚟俾意見你,千祈唔好以為對方喺度諸多意見,令你煩厭,其實只要你停一停、諗一諗,就會發現對方嘅意見都好實用,會為你帶來理想嘅財富。工作上亦會因為有表現而有機會加薪,可喜可賀。

醒你一招
若想財運持續,要放慢腳步睇吓個世界,洞悉先機先可以理想達到。
整體運
唔鍾意直接表達自己嘅你,會不停向喜歡嘅人暗示,但對方死蠢完全get唔到,就只好繼續曖昧落去。

醒你一招
愛就愛,要爭取先會得到快樂。
整體運
受人注目,好多人都因為你嘅工作表現對你態度殷勤,但切忌傲慢,否則自會自討苦吃。

醒你一招
做實事先會贏得信任,切忌沾沾自喜。
整體運
忽然喺網絡或相關行業得以大展拳腳,成為具公信力、號召力嘅人,係好時機考慮自己嘅事業發展。

醒你一招
網絡可以成為攻擊人嘅工具,亦可以成為生財工具。
整體運
你嘅生活先後受到木星進入天蝎、金星進入九宮同水星進入十宮影響,而有巨大嘅變遷。過去嘅努力令更多人留意你,你亦因而名成利就,人氣上升,但係又好容易因為一啲小節出事,特別要小心容易遇上交通意外,逢親同電、火有關嘅人、事,都好有機會令你當災。

醒你一招
「魔鬼在細節」,你唔係未聽過呀?
整體運
仍然進修緊嘅朋友,有機會遇到好好嘅導師,一點你就明,令你茅塞頓開,學習愈見成效。

醒你一招
留意作息時間,唔好一鼓作氣攰死自己。