為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 08 月 11 日

陳凱琳試新娘妝

最近,娛樂圈最大的喜訊,梗係鄭嘉穎同陳凱琳結婚呢單好消息啦!其實,由佢哋拍拖開始,外間都一致唔睇好呢段戀情;反而令佢哋愛得愈來愈深,拍拖三年,呢段「父女戀」終於開花結果,確實好難得!

八月十二號,佢哋就會喺印尼峇里島舉行婚禮。最近,陳凱琳就忙住籌備婚禮嘅事;不過,女人天生就係貪靚,而快將成為新娘子嘅女人,當然神采飛揚,所以一定要影好多靚相留倩影。早前,東姑收到風,陳凱琳就專登走咗去搵好朋友兼化妝師王穎試新娘妝,仲影咗輯靚相添。

王穎係好多明星、名人嘅「御用化妝師」,就連亞洲女首富甘比都係佢嘅客仔。今趟,有王穎出馬,陳凱琳結婚當日一定可以做個超級靚靚嘅新娘子啦!

當日,陳凱琳試妝後,仲影咗輯靚相,期間擺出唔同嘅甫士,好索呀!

 

呢輯相,陳凱琳都影得相當誘惑,唔知佢有冇畀老公仔鄭嘉穎先過目呢?

 

一條蕾絲晚裝裙,凸顯陳凱琳嘅身形,如果有埋鄭嘉穎一齊影就更加完美。

 

快將成為新娘子嘅女人,當然神采飛揚,所以佢趁呢段時間留住最美好嘅一刻。

 

一件簡單嘅恤衫,再加埋呢個瞓身嘅甫士,令人想入非非。

 

今次呢輯相係王穎親自操刀,由女仔做攝影師,陳凱琳最放心。

 

王穎話陳凱琳每次提起未來老公仔鄭嘉穎,就會甜絲絲,難怪每一張相佢都笑容滿面。