為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 07 月 12 日

洪永城危駕衝紅燈

最近忙於拍攝新劇《多功能老婆》嘅洪永城(Tony),為角色換上留鬚造型。聽聞,佢喺戲入面飾演朱晨麗嘅老公,性格沉實穩重。不過,戲外嘅佢眾所周知,鍾意講笑油腔滑調,好似早前東姑見佢出席齣劇嘅記招,呢頭殷勤對住無綫副總經理杜之克笑騎騎,轉頭又對住朱晨麗口花花,真係本性盡現!

之但係,口舌上輕浮都冇乜所謂,記招完咗後,東姑目擊Tony嘅不負責任駕駛態度,先感覺真正嘅「牙煙」!當時,佢揸住架白色嘅四驅座駕,先送咗助手出市區,然後踩行油揸車前往電視城嘅方向,睇嚟佢好趕時間入廠開工。不過,去到將軍澳嘅一個路口,見佢居然紅燈都繼續踩油照衝燈,除咗唔顧自身安全,對其他道路使用者都構成危險,認真唔要得,東姑都要「dislike」佢呀!

喺《多》劇記招上,狀甚風騷嘅Tony,同無綫高層杜之克,以及劇中對手朱晨麗,談笑風生,個樣仲口花花無厘正經。

 

 

 

似係趕回電視城開工嘅Tony,踩行油衝過紅燈,應該罰款六百蚊兼被扣五分。

 

衝紅燈係完全不負責嘅駕駛行為,希望Tony知錯能改,以後唔好喇!