為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2018 年 06 月 14 日

水動樂

炎炎夏日,最好梗係約埋一大班好友出海開船P、玩Wakeboard、無繩滑水和獨木舟,唔想咁大陣仗,又可以留喺泳池暢泳,總之炎夏有水玩,就係爽歪歪。

 

洗米嫂完美展示

洗米嫂陳慧玲(Heidi)一直有健身習慣,趁夏天到更加堂操弗自己,在泳池邊展示完美身型,「人生要食得、飲得、train得…」

 

吳千語動感三點

吳千語見潮流興玩無繩滑水,近日趁陽光充沛,馬上走去苦練,穿上三點式的她幾經努力終於學成,下次開船P,又多樣項目可以喺朋友面前威威,呢啲咪係醒目女囉!

 

蔡思貝極速起水

蔡思貝與好姊妹陳瀅、何雁詩、賴慰玲和吳嘉熙等出海滑水,找來陳嘉寶老公黃頌祈教無繩滑水,一副戰鬥格的蔡思貝極速起水,仲即時謝師,她同陳嘉寶說:「多得你老公!我諗佢畀我哋激死咗!」

 

連詩雅衝浪寫真

連詩雅有樣有身材,她出海玩立式單槳衝浪,輕輕一俯身,即變成寫真甫士。有鐵粉睇到流口水,即時跪求寫真集,仲話一千蚊都買添。